မြန်မာနိုင်ငံအနေဖြင့် Digital Government Strategy နှင့် e-Government စနစ်ဆိုင်ရာလုပ်ငန်း စဉ်များကို ဦးစားပေးလျက်ရှိ

မြန်မာနိုင်ငံအနေနဲ့ Digital Government Strategy နဲ့ e-Government စနစ်ဆိုင်ရာလုပ်ငန်း စဉ်တွေကို ဦးစားပေးလျက်ရှိတယ်လို့ ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယဝန် ကြီးဦးကျော်မျိုးက ပြောပါတယ်။

ကမ္ဘောဒီယားနိုင်ငံ Siem Reap မြို့မှာ ကျင်းပခဲ့တဲ့ (၁၇) ကြိမ်မြောက်အာဆီယံဆက်သွယ်ရေးနှင့် သတင်းအချက်အလက် နည်းပညာဆိုင်ရာ ဝန်ကြီးများအစည်းအဝေးမှာ ပြောကြားခဲ့တာလို့ သိရပါတယ်။ နိုင်ငံတော်အစိုးရအနေနဲ့ စီးပွားရေးဆိုင်ရာမူဝါဒ (၁၂) ရက်နဲ့အညီ Digital Government Strategy နဲ့ e-Government စနစ်ဆိုင်ရာ လုပ်ငန်းစဉ်တွေကို ဦးစားပေးဆောင်ရွက်လျက် ရှိကြောင်း၊ တိုးတက်လာမှုတွေနဲ့အတူ အခက်အခဲတွေ စိန်ခေါ်မှုတွေလည်း ကြုံတွေ့ရကြောင်း၊ တိုးတက်မှုစံနှုန်း မတူညီတဲ့ အာဆီယံနိုင်ငံတွေအကြား ပူးပေါင်းဖြေရှင်း ဆောင်ရွက်နိုင်စေရေးအတွက် အဖွဲ့ဝင်နိုင်ငံတွေအကြား ပေါ်လစီနဲ့ Regulationဆိုင်ရာအချက်အလက် မျှဝေနိုင်ဖို့ မူဘောင်တစ်ရပ် ချမှတ်ဆောင်ရွက် သင့်ကြောင်း ပြောကြားခဲ့တယ်လို့ သတင်းထုတ်ပြန်ချက်အရ သိရပါတယ်။

အိုင်စီတီကဏ္ဍ တိုးတက်လာတာနဲ့အမျှ ဆိုက်ဘာလုံခြုံရေး ကိစ္စရပ်တွေကိုလည်း မဖြစ်မနေအလေးထား ဆောင်ရွက်ရမှာဖြစ်ကြောင်း၊ အာဆီယံဆက်သွယ်ရေးနှင့် သတင်းအချက်အလက် နည်းပညာဆိုင်ရာဝန်ကြီးများ အစည်းအဝေးအနေဖြင့်လည်း တွန်းအားပေးစေလိုကြောင်း ဆွေးနွေးခဲ့တာလို့ ဆိုပါတယ်။

မြန်မာနိုင်ငံရဲ့ ဆက်သွယ်ရေးကဏ္ဍဟာ ၂၀၁၃ ခုနှစ် ဆက်သွယ်ရေးဥပဒေ ထုတ်ပြန်အတည်ပြု ပြောင်းလဲဖြေလျှော့မှုတွေ ဆောင်ရွက်ပြီးနောက်ပိုင်း တိုးတက်နေတာဖြစ်တယ်လို့ သိရပါတယ်။

-ထွန်းထွန်း