မြန်မာစွန့်ဦးတီထွင် လုပ်ငန်းရှင်များ ပေါ်ထွက်စေရေး အစီအစဉ်ကျင်းပမည်

မြန်မာနိုင်ငံတွင် စွန့်ဦးတီထွင် လုပ်ငန်းရှင်များပေါ်ထွက်စေရေးအတွက် Myanmar Youth Technopreneurship Development Program-2018 အစီအစဉ်ကို ကျင်းပမယ်လို့ သိရပါတယ်။
မြန်မာနိုင်ငံတစ်ဝန်းရှိ လူငယ်များပါဝင်နိုင်ပြီး အဖွဲ့ဝင် ၂ ဦးမှ ၅ ဦး ပါဝင်နိုင်ကြောင်း၊ ပါဝင်ယှဉ်ပြိုင်မယ့် ကုန်ပစ္စည်း (သို့မဟုတ်) ဝန်ဆောင်မှုမှာ Entertainment, Open Data, Civic Tech, Business, Agriculture, Society, Health Care, Education စတဲ့ နယ်ပယ်တွေမှ ဖြစ်ရန်လိုအပ်ပြီး နည်းပညာနှင့် ဆက်နွယ်သော ကုန်ပစ္စည်း (သို့မဟုတ်) ဝန်ဆောင်မှုဖြစ်ရမယ်လို့ သိရပါတယ်။
“အနိုင်ရရှိသူတွေဟာ Kanaung Hub မှာ ခြောက်လရုံးခန်းဖွင့်ခွင့်ရမယ်၊ စီးပွားရေးအခွင့်အလမ်းတွေ တင်မဟုတ်ဘူး၊ အောင်မြင်ဖို့ အခွင့်အလမ်းတွေ အများကြီးရှိတယ်” ဟု မြန်မာနိုင်ငံ ကွန်ပျူတာအသင်း ချုပ်ဥက္ကဌ ဦးခွန်ဦးကပြောပါတယ်။

မြန်မာ့ဆက်သွယ်ရေးလုပ်ငန်း (MPT) ၏ ထောက်ပံ့ကူညီမှု၊ မြန်မာနိုင်ငံကွန်ပျုတာအသင်းချုပ် (MCF) ၏ စီမံကွပ်ကဲမှုတို့ဖြင့် Kanaung Hub မှ ကျင်းပမှာဖြစ်ကြောင်း၊ မြန်မာနိုင်ငံအတွင်းရှိ နည်းပညာရှင် လူငယ်များ နည်းပညာများဖြင့် အသက်မွေးဝမ်းကျောင်း ပြုနိုင်ရေး၊ ပြည်သူလူထုအတွင်း နည်းပညာများ ဖွံ့ဖြိုးတိုးတက်ရေးတို့အား ရည်ရွယ်ကျင်းပခြင်းဖြစ်ကြောင်း သိရပါတယ်။ Myanmar Youth Technopreneurship Development Program-2018 ရဲ့ဝက်ဘ်ဆိုက်ဖြစ်တဲ့ www.mmtechnopreneurship.com မှလည်းကောင်း၊ ဒေသခံ MPT ရုံးများမှလည်းကောင်း၊ သက်ဆိုင်ရာ လူမှုကွန်ရက် စာမျက်နှာများမှ တစ်ဆင့်လည်းကောင်း လျှောက်လွှာတွေ လက်ခံသွားမယ်လို့ သိရပါတယ်။

လျှောက်လွှာတွေကို ဒီဇင်ဘာ ၁၈ ရက်မှ စတင်ကာ လက်ခံသွားမည်ဖြစ်ပြီး ၂၀၁၈ ခုနှစ် ဇန်နဝါရီ ၁၈ ရက်အထိ နောက်ဆုံးထား လျှောက်ထားနိုင်မှာ ဖြစ်ပါတယ်။ အနိုင်ရရှိတဲ့ အသင်းကို ဖေဖော်ဝါရီလ ၁၁ ရက်တွင် ဆုံးဖြတ်ပေးသွားမှာဖြစ်ကြောင်း၊ အနိုင်ရရှိတဲ့ အသင်းဟာ ဆုကြေးငွေကျပ်သိန်း ၅၀ နှင့်အတူ ၂၀၁၈ ခုနှစ် မတ်လမှစတင်ပြီး မြန်မာနိုင်ငံ ကွန်ပျူတာအသင်းချုပ်၏ စီးပွားရေး လုပ်ငန်းဖွံ့ဖြိုး တိုးတက်ရေး အထောက်အကူပြုစင်တာ kanaung Hub တွင် အခြားသောအောင်မြင်မှုရရှိနေသော လုပ်ငန်းများနှင့်အတူ အနီးကပ်အလုပ်လုပ်ကိုင်နိုင်မယ့် နေရာတစ်ခုကို ခြောက်လအခမဲ့အသုံးပြုခွင့်ရ ရှိမယ်လို့ သိရပါတယ်။
“ပင်ကိုယ် အရည်အသွေးကောင်းမွန်တဲ့ လူငယ်တွေရဲ့ အနာဂတ်အစီအစဉ်တွေကို သယ်ဆောင်ပေး သွားမှာဖြစ်ပါတယ်၊ နည်းပညာနဲ့ ပတ်သက်ပြီး စီးပွားရေး လုပ်ငန်းလုပ်ကိုင်လိုတဲ့ လူငယ်တွေ ဒီအစီအစဉ်မှာ ပါဝင်မယ်လို့မျှော်လင့်ထားကြပါတယ်” ဟု MPT-KSGM ကုမ္ပဏီ၏ ဥပဒေနှင့် ညှိနှိုင်းရေးရာဌာန မှ ဒါရိုက်တာ ဦးမျိုးသန့်က ပြောပါတယ်။
ဆန်ခါတင်အဆင့်ရွေးချယ်ပွဲကို ရန်ကုန်နှင့် မန္တလေးမြို့များတွင် ကျင်းပမည်ဖြစ်ပြီး အောက်မြန်မာပြည် (ကယားပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်၊ ပဲခူးတိုင်းဒေသကြီး၊ ရန်ကုန်တိုင်းဒေ သကြီး၊ ဧရာဝတီတိုင်းဒေသကြီး၊ တနင်္သာရီတိုင်း ဒေသကြီး) ပြိုင်ပွဲဝင်အသင်း ၁၅ သင်းမှ ငါးသင်း၊ အထက်မြန်မာပြည် (ကချင်ပြည်နယ်၊ ချင်းပြည်နယ်၊ ရှမ်းပြည်နယ်၊ စစ်ကိုင်းတိုင်းဒေသကြီး၊ မကွေးတိုင်း ဒေသကြီး၊ မန္တလေးတိုင်းဒေသကြီး၊ နေပြည်တော်) ပြိုင်ပွဲဝင်အသင်း ၁၅ သင်းမှာငါးသင်းတို့ကို အသီးသီး ဆန်ခါတင်အဆင့်အနေဖြင့် ရွေးချယ်သွားမယ်လို့ သိရပါတယ်။ ရွေးချယ်ခံရသည့် အသင်း ၁၀ သင်းအားရန်ကုန်မြို့ MICT Park ရှိ Kanaung Hub မှာ လေ့ကျင့်သင်ကြားပေးခြင်းတွေကို ပြုလုပ်ပေးသွားမှာဖြစ်ကြောင်း၊ နောက်ဆုံးအဆင့်ပြိုင်ပွဲကိုပြုလုပ်ပြီး ဆန်ခါ တင်အဆင့်ရွေးချယ်ခံထားရတဲ့ အသင်း ၁၀ သင်းမှ အကောင်းဆုံးသုံးသင်းကိုရွေးချယ်ပြီး Myanmar Youth Technopreneurship Development Program-2018 Award ကိုချီးမြှင့်သွားမှာဖြစ်ကြောင်း၊ ကျန်ရှိသော အသင်း ၇ သင်းအား နှစ်သိမ့်ဆုများ ချီးမြှင့်သွားမှာဖြစ်ကြောင်း သိရပါတယ်။
လျှောက်ထားသူများအနေဖြင့် သက်ဆိုင်ရာနယ်ပယ်အလိုက် အခက်အခဲများကို ခွဲခြမ်းစိတ်ဖြာခြင်း၊ ဖြေရှင်းနိုင်သော နည်းလမ်းကို အဆိုပြုတင်သွင်းခြင်းနှင့် ယင်းကိုစီးပွားရေးအရ လုပ်ငန်းတစ်ခုအဖြစ် မည်ဆောင်ရွက်နိုင်မည်ဆိုသည့်အချက်ကို တင်ပြခြင်းအပါအဝင် မိမိတို့၏ ထုတ်ကုန် သို့မဟုတ်နည်း လမ်းအတွက် မျှော်လင့်ထားတဲ့ ဈေးကွက်နယ်ပယ်ကိုလည်း ဖော်ပြသွားရန် လိုအပ်မယ်လို့ သိရပါတယ်။
-ထွန်းထွန်း