မြန်မာစာဖောင့် ပြဿနာကို မြန်မာနိုင်ငံ ကွန်ပျူတာ အသင်းချုပ်က စတင်ဖြေရှင်း နေသည်ဟုဆို

IMG_7639.jpg

ပြည်တွင်း၌ နှစ်ပေါင်းများစွာ မပြေလည်မှုများနှင့်အတူ ဖြေရှင်းမပေးနိုင်ခဲ့သည့် ဒစ်ဂျစ်တယ်စနစ်သုံး မြန်မာစာဖောင့် စနစ်ကို မြန်မာနိုင်ငံ ကွန်ပျူတာ အသင်းချုပ်မှ ဦးဆောင်၍ စတင်ဖြေရှင်းနေပြီဟု သိရသည်။

နာမည်အမျိုးမျိုး ကွဲပြားနေသည့် မြန်မာစာဖောင့်များသည်  အသုံးပြုသည့် ဖောင့်အမျိုးအစားမှလွဲ၍ အခြားသော မြန်မာစာဖောင့်များကို မြင်တွေ့နိုင်ခြင်း မရှိသည့် ပြဿနာကို ဖြေရှင်းပေးနိုင်ရန် မြန်မာနိုင်ငံ ကွန်ပျူတာ အသင်းချုပ်က စီစဉ်နေခြင်းဖြစ်သည်။ “တစ်နိုင်ငံလုံးမှာရှိတဲ့ Developer တွေကို ပါဝင်စေချင်ပါတယ်။ လူရှိတာ ၁၀ ယောက် လောက်ရှိတာကို နှစ်ဖွဲ့လောက် ကွဲနေတော့ ရှက်ဖို့လည်း ကောင်းပါတယ်”ဟု မြန်မာနိုင်ငံ ကွန်ပျူတာ အသင်းချုပ်မှ အလုပ်အမှု ဆောင်ဖြစ်သူ ဦးမျိုးမြင့်ထွန်းက ပြောသည်။

မြန်မာစာဖောင့် စနစ်အားလုံး တစ်ပြေးညီ အသုံးပြုနိုင်စေရန်အတွက် လုပ်ငန်းပရောဂျက် စတင်နိုင်ရန် မြန်မာနိုင်ငံ ကွန်ပျူတာ အသင်းချုပ်မှ ငွေကျပ်သိန်း ၃၅၀ ခန့် စိုက်ထုတ်ထားပြီး မြန်မာနိုင်ငံ ကွန်ပျူတာ လုပ်ငန်းရှင်အသင်းမှ ငွေကျပ် သိန်း ၁၀၀ ကို ဦးစွာစိုက် ထုတ်ထားသည်ဟု သိရသည်။ “မြန်မာနိုင်ငံ ကွန်ပျူတာ ပညာရှင်အသင်းကလည်း လှူမယ်လို့တော့ ပြောထားပါတယ်။ ပရောဂျက်ဆိုတာ အစဉ်အဆက် လုပ်နေရတာဆိုတော့ နောက်ပိုင်း ကုန်ကျစရိတ်တွေလည်း ရှိနေဦးမှာပါ။ နိုင်ငံတော်ဆီက ဘတ်ဂျက်စောင့်နေရင် ကြာနေမှာစိုးလို့ ရှိတာလေးနဲ့ စတင်ထားတာပါ”ဟု ဦးမျိုးမြင့်ထွန်းက ဆိုသည်။

မြန်မာစာဖောင့် စနစ်နှင့်ပတ်သက်၍ အစိုးရဘတ်ဂျက်ကို သုံးစွဲပြီး ဆက်သွယ်ရေးနှင့် သတင်းအချက် အလက်နည်း ပညာဝန်ကြီးဌာနမှ အကောင်အထည် ဖော်ဆောင်ခဲ့သည်မှာ နှစ်ပေါင်းများစွာ ကြာမြင့်ခဲ့ပြီ ဖြစ်သော်လည်း ယနေ့အချိန်အထိ အသုံးချမှုအပိုင်း၌ အောင်မြင်မှု မရရှိကြောင်း သိရသည်။ အများအားဖြင့် Zawgyi မြန်မာစာဖောင့် စနစ်ကိုသာ အသုံးပြုကြပြီး Unicode စံသတ်မှတ်ချက်ဖြင့် နိုင်ငံတော်မှ အသုံးပြုရန် သတ်မှတ်ခဲ့သည့် မြန်မာစာဖောင့် စနစ်ကို အသုံးပြုသူ အများစု လက်ခံသုံးစွဲခြင်း မရှိခဲ့ပေ။

“အဓိကအနေနဲ့ ပညာပေးရေး အစီအစဉ် တွေမှာလည်း  အားနည်းခဲ့တာ တွေ့ရတယ်။ နောက်ပိုင်း ဆိုရင်တော့ ဟောပြောပွဲတွေလည်း လုပ်ပေးသွားဖို့တော့ ရှိတယ်”ဟု အမည်နာမ ကွဲပြားသော မြန်မာစာဖောင့်များကို တူညီစွာ အပြန်အလှန် အသုံးပြုနိုင်မည့် ရေရှည် အစီအစဉ်နှင့် ပတ်သက်၍ ဦးမျိုးမြင့်ထွန်းက ပြောသည်။

အမည်နာမ အမျိုးမျိုးကွဲပြားနေသည့် မြန်မာစာဖောင့်များသည် အချင်းချင်း အပြန်အလှန် ဆက်သွယ်ရန် လက်ရှိအချိန်၌ အခက်အခဲကြုံ တွေ့နေရကြောင်း၊ အချို့သောမြန်စာ ဖောင့်များသည် Unicode စံသတ်မှတ်ချက်ကိုလိုက်နာ ဆောင်ရွက်သော်လည်း အချို့သော မြန်မာစာဖောင့်များသည် Unicode စံသတ်မှတ်ချက်ကို အပြည့်အဝ လိုက်နာထားခြင်း မရှိကြောင်း၊ မြန်မာနိုင်ငံ ကွန်ပျူတာ အသင်းချုပ်အနေဖြင့် အဆိုပါပြဿနာကို ဖြေရှင်းနိုင်ခဲ့ပါက တိုင်းရင်းသားဘာသာ စကားများပါ အဆင်ပြေစွာ အသုံးပြု လာနိုင်မည်ဖြစ်ကြောင်း ဦးမျိုးမြင့်ထွန်းက ဆိုသည်။

-မြင့်ကျော်လှိုင်