ပြည်သူ့လွှတ်တော် ပို့ဆောင်ဆက်သွယ်ရေးနှင့် ဆောက်လုပ်ရေးဆိုင်ရာကော်မတီဥက္ကဋ္ဌ က IT ပညာရှင်များနှင့် တွေ့ဆုံခဲ့

ပြည်သူ့လွှတ်တော်၊ ပို့ဆောင်ရေး၊ ဆက်သွယ်ရေးနှင့် ဆောက်လုပ်ရေးဆိုင်ရာ ကော်မတီဥက္ကဋ္ဌ ဦးတင်မောင်ဝင်း က IT ကျွမ်းကျင်ပညာရှင်တွေနဲ့ တွေ့ဆုံခဲ့တယ်လို့သိရပါတယ်။

Triumph Myanmar Co., Ltd မှ ဥက္ကဋ္ဌ ဦးဆောင်တဲ့ Elior-Tech Corp, SAMSUMG Electric နဲ့ ST Electronic မှ IT ကျွမ်းကျင်ပညာရှင်တွေကို လက်ခံတွေ့ဆုံခဲ့တယ်လို့ ပြည်သူ့လွှတ်တော်က သတင်းထုတ်ပြန်ပါတယ်။ နေပြည်တော်မှာ ဇန်နဝါရီ ၂၂ ရက်က တွေ့ဆုံခဲ့တာဖြစ်ပါတယ်။ ဆက်သွယ်ရေး နည်းပညာဆိုင်ရာ ဖွံ့ဖြိုးတိုးတက်ရေး၊ ဆိုက်ဘာလုံခြုံရေးရဲ့ အရေးပါပုံနဲ့ နေပြည်တော်အခြေပြု Smart City Development စတဲ့ ကိစ္စရပ်တွေကို အမြင်ချင်းဖလှယ် ဆွေးနွေးခဲ့ကြတယ်လို့ သတင်းထုတ်ပြန်ချက်အရ သိရပါတယ်။

-ထွန်းထွန်း