ဝေးလံခေါင်ဖျားနေရာတွေမှာ အင်တာနက် အသုံးပြုမှုအကြောင်း ဟောပြောမည်

တိုင်းရင်းသားဒေသတွေမှာရှိတဲ့ ဝေးလံခေါင်ဖျားတဲ့နေရာတွေမှာ ဘေးကင်းလုံခြုံတဲ့အင်တာနက် အသုံးပြုမှုတွေ အကြောင်း လိုက်လံဟောပြောပေးမယ်လို့ Telenor Myanmar ကပြောပါတယ်။

လက်ရှိမှာ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်နဲ့ ရှမ်းပြည်နယ် (မြောက်ပိုင်း၊ အရှေ့ပိုင်းနဲ့ တောင်ပိုင်း) တို့မှာ ပြည်နယ်အလိုက် ဆက်ဆံရေးအရာရှိ (၈) ယောက် ခန့်အပ်ထားပြီး သူတို့နဲ့တစ်ဆင့်ဆောင်ရွက်သွားမယ်လို့ သိရပါတယ်။၂၀၁၇ ခုနှစ်အတွင်း ပထမဆုံးသင်တန်းတွေကို မွန်ပြည်နယ် ချောင်းဆုံမြို့နယ်ရှိ ချောင်းဆုံ၊ ရွာလွတ်၊ မူးရစ်ကလေး၊ ကမာကေး နဲ့ မုဒွန်း စတဲ့ (၅) နေရာမှာ ပြုလုပ်ခဲ့တယ်လို့သိရပါတယ်။ ဘေးကင်းသည့်အင်တာနက် အသုံးပြုမှုနဲ့ ပက်သက်တဲ့ လမ်းညွှန်စာအုပ်တွေကို http://bit.ly/TelenorSafeInternet မှတစ်ဆင့် ရယူနိုင်တယ်လို့သိရပါတယ်။