ဟောင်ကောင်က FireChat

nakia.jpg

တော်လှန်ရေးမှာ  ရုပ်သံမှ ထုတ်လွှင့်ပြသရန် ဖြစ်နိုင်လိမ့်မည် မဟုတ်၊ သို့သော် tweet လုပ်နိုင်သည်။ Instant message မှ အချက်အလက်များကို ရယူနိုင်သည်။ ရုပ်သံမှထုတ်လွှင့် ပြသရန်ဖြစ်နိုင် လိမ့်မည်မဟုတ် ဆိုပင်ဆို ငြားသော်လည်း FireChat ဟုခေါ်သော app များဖြင့် ကွန်ရက်မှတစ်ဆင့် ရုပ်သံပင်ကြည့်နိုင်မည်။

ယခင်က ရုပ်သံထုတ်လွှင့်မှုမှာ ရုပ်သံလွှင့်သော ဌာနများမှ ထုတ်လွှင့် ပြသမှသာ ကြည့်နိုင်သည်။ ထိုစနစ်ကို စမတ်ဖုန်း နည်းပညာက ရိုက်ချိုးပစ်လိုက်သည်။ ‘Off-the-grid’ smartphone app ဖြစ်သော FireChat ကို ဟောင်ကောင်ရှိ ဒီမိုကရေစီ လိုလားသူများက နည်းပညာ လက်နက်အဖြစ် စွဲကိုင်လာကြသည်။ ၎င်းနည်းပညာကို လူထုလှုပ်ရှားမှုများ၊ ဆန့်ကျင်ကန့်ကွက် သူများနှင့် ကန့်ကွက်ဆန္ဒ ပြသူများ၏ လက်စွဲတော် အစွမ်းထက် လက်နက်ဖြစ်လာသည်။

အဆိုပါ app မှာ အင်တာနက်ကို မသုံးစွဲဘဲ Bluetooth သို့မဟုတ် Wi-Fi တို့ကဲ့သို့သော ဖုန်းတစ်လုံးနှင့် အခြားတစ်ခုကြား ရှိပြီးသား ကွန်ရက်မျိုးများကို သုံးစွဲ၍ ကိုယ်ပိုင်ကွန်ရက် ဖန်တီးကာ အလုပ်လုပ်နိုင်သည်။

မိုဘိုင်းနှင့် အင်တာနက် ကွန်ရက်စနစ်များနှင့် မတူသည့်အချက်မှာ သုံးစွဲသူများလာပါက အဆိုပါ စနစ်များမှာ နှေးကွေးလေးလံ လာခြင်းနှင့် လိုင်းပြုတ်ကျ သွားခြင်းများ ဖြစ်လာနိုင်သော်လည်း FireChat ကဲ့သို့သော mesh network မှာ သုံးစွဲသူများလေ၊ လုပ်ကိုင်ဆောင်ရွက်မှု အပိုင်းပိုကောင်းလေ ဖြစ်သည်။

“ဒါကိုဘာကြောင့် သုံးစွဲဖို့ဖြစ်လာ သလဲဆိုတော့ ကျွန်တော်တို့ ဆန္ဒပြတဲ့နေရာမှာ လူတွေက အရမ်းကိုများတယ်။ ဒီလိုလူတွေ အများအပြား ရှိတာကြောင့် ကွန်ရက်တွေက နှေးသွားပါတယ်။ ဒါကြောင့် ဒီ app မဖြစ်မနေ သုံးစွဲဖို့ဖြစ်လာတာပါ” ဟု Occupy Central ၏ ဒီမိုကရေစီအရေး တက်ကြွလှုပ်ရှားသူ Pamela Lam ကပြောသည်။ FireChat မှာ အလုပ်လုပ်ရန် အင်တာနက်နှင့် အချက်အလက်များ မလိုအပ်ချေ။ ထို့အတွက်ကြောင့် လူအများစုမှာ ၎င်းကို download ဆွဲ၍သုံးစွဲ လာကြခြင်းဖြစ်သည်။

Open Garden ဟုအမည်ရသော application ကိုတီထွင် ဖန်တီးသော ကုမ္ပဏီမှဦးဆောင်၍ ၎င်း၏လူကြိုက်များ ရေပန်းစားနေသော အဆိုပါ app ဖြင့် ဦးဆောင်နေရာ ရရှိရန်အတွက် ကြိုးပမ်းနေရသည်။ ဟောင်ကောင်မှတစ်ဆင့် ကျန်ကမ္ဘာ့အစိတ်အပိုင်းများသို့ အဆိုပါ app အသစ်ကို ပျံ့နှံ့သွားစေရန်အတွက် စွမ်းဆောင်ရည်ပိုင်း ပိုမိုကောင်းမွန်ရန် လုပ်ဆောင်နေသည်။

မမျှော်လင့်သောအောင်မြင်မှု

Firechat ကို ယခုနှစ်မတ်လ၌ စတင်ခဲ့ခြင်း ဖြစ်သော်လည်း သုံးစွဲသူဦးရေမှာ မပြောပလောက်ဘဲ ကွက်တိကွက်ကျား ဖြစ်နေခဲ့သည်။

ဒီမိုကရေစီအရေး လှုပ်ရှားသည့် ကာလဖြစ်သည့် စက်တင်ဘာလ ၂၇ ရက်မှ အောက်တိုဘာ လ ၁၀ ရက် အထိ နှစ်ပတ်အတွင်း၌ ဟောင်ကောင်တစ်ခုတည်းမှပင် ဝန်ဆောင်မှုကို မှတ်ပုံတင်၍ download ရယူမှုပေါင်းမှာ ၅၀၀,၀၀၀ ရှိသည်။ အဆိုပါ download ပြုလုပ်မှုပေါင်းမှာ Android တွင် ၆၁ ရာခိုင်နှုန်းနှင့် iOS တွင် ၃၉ ရာခိုင်နှုန်း အသီးသီး ရှိကြသည်။

“ကျွန်တော်တို့က ဒီလိုဖြစ်လာလိမ့်မယ်လို့ မျှော်လင့်မထားမိပါဘူး။ ဒီလိုဖြစ်လာတော့ အရမ်းကိုအံ့သြ ဝမ်းသာဖြစ်ရပါတယ်” ဟု CNN ကို FireChat ၏ဈေးကွက် ဖော်ဆောင်ရေးဌာနမှအကြီးအကဲဖြစ်သူ Christophe Daligault မှပြောလာသည်။ ၎င်းကဆက်လက်၍ ‘‘ကျွန်တော်တို့ မြင်လိုက်ရတာကတော့ ကျွန်တော်တို့ရဲ့ ဝန်ဆောင်မှုထဲကို အလွန်ကိုကြီးမားတဲ့ လှိုင်းလုံးကြီးတွေ တလိမ့်လိမ့် တက်လာနေတယ် ဆိုတာဖြစ်ပါတယ်။ ဒါဟာ အမှန်တကယ်ကိုလည်း ကြီးမားတဲ့ အဖြစ်အပျက်ကြီး တစ်ခုဖြစ်ပျက် နေတယ်လို့လည်း ကျွန်တော်တို့ သတိပြုမိ လိုက်ကြပါတယ်” ဟုဆိုလာသည်။

ထိုသို့ ကမ္ဘာတစ်ဝန်း၌ တစ်ရှိန်ထိုး ထိုးတက်လာခြင်းမှာ အကြောင်းနှစ်ခု ရှိကြောင်းနှင့် ပထမအကြောင်းမှာ ဟောင်ကောင်၌ ဖြစ်ပျက်နေသည့် နောက်ဆုံးပေါ် အချက်အလက်များကို ရယူချင်သူများရှိ၍ ဖြစ်ကြောင်းနှင့် ဒုတိယအကြောင်းမှာ ဘာတွေဖြစ်ပျက် နေကြသည်ကို သိချင်မြင်ချင်ရုံမျှ သိမြင်လိုသည့် သူများကြောင့် ဖြစ်ကြောင်း Christophe Daligault မှ သူ့အမြင်ကို ပြောကြားလာသည်။

လက်ရှိ၌ အဆိုပါလှုပ်ရှားမှုကို ထောက်ခံသော ဟောင်ကောင်နှင့် အလွန်ဝေးကွာသည့် ဒေသများ၌ရှိသည့် သြစတြေးလျနှင့် အမေရိကန်နိုင်ငံရှိ တရုတ်ဘာသာ စကားသုံးစွဲသူများမှ အဆိုပါ app ကိုရယူနေကြသည်။

အလွန်ကို မယုံကြည်နိုင်အောင်ကြီးမားသည့် မက်ဂါဖုန်း

အခြားသော messaging application များနှင့် မတူညီသည့် အချက်မှာ FireChat မှာ သုံးစွဲသူ အဝန်းအဝိုင်းကို ကန့်သတ်ထားခြင်း မရှိသည့် အချက်ဖြစ်သည်။ FireChat သုံးစွဲသူတိုင်းမှ လူတိုင်းမြင်တွေ့နိုင်သည့် အခွင့်အရေးကို ယူဆောင်လာသည်။

“ဒါဟာ အလွန်ကို မယုံကြည်နိုင်အောင် ကြီးမားတဲ့ မက်ဂါဖုန်းတစ်ခုနဲ့ တူနေပါတယ်” ဟု၍သူက ပြောလာသည်။

“ခင်ဗျားက နေရာတစ်ခုမှာ ရောက်နေမယ် ပြီးတော့ သောက်စရာ ရေလိုနေမယ် ဆိုပါတော့ဗျာ။ ခင်ဗျား ရောက်နေတဲ့ နေရာကို အတိအကျပြောပြီး ရေလိုနေတယ် လို့သာပြောလိုက် ခင်ဗျားမသိတဲ့ သူတစ်ယောက်က ခင်ဗျားလိုချင်တဲ့ အဖြေကို ပေးလိမ့်မယ်။ ဒီလိုမျိုးတွေက Facebook ဒါမှမဟုတ် Whatsapp တို့လို app တွေမှာ မလုပ်နိုင်ဘူး။ သူတို့မှာက မြင်တွေ့နိုင်တဲ့ လူတွေက အကန့်အသတ်နဲ့ ရှိနေပြီး ခင်ဗျားရောက်နေတဲ့ နေရာနဲ့လည်း ခပ်ဝေးဝေးမှာ ရှိနိုင်နေပါလိမ့်မယ်” ဟု Open Garden ၏ co-founder နှင့် စီအီးအိုဖြစ်သူ Micha Benoliel က အဆိုပါ ဝန်ဆောင်မှု အကြောင်းကိုပြောသည်။

စစ်မှန်သောအသံများ

Occupy လှုပ်ရှားမှုကို ဆန့်ကျင်သူများ အပါအဝင် အဆိုပါ လှုပ်ရှားမှုကို ပြုလုပ်သူများကပါ လိုင်းကျပ်တည်းမှု အကြောင်းကို ပြောကြားစဉ် အချိန်များကတည်းက FireChat မှ မည်သည့် သုံးစွဲသူတစ်ဦး သို့မဟုတ် အုပ်စုတစ်ခုထံမှ ထွက်လာသည့် မက်ဆေ့ခ်ျများ ဖြစ်ကြောင်းကို အတည်ပြုသည့် verification component ပေါင်းထည့် ပေးလာသည်။

FireChat မှာ ဟောင်ကောင်မှ ရွေးချယ်သုံးစွဲမှု အများဆုံး app (app of choice) ဖြစ်လာပြီး တရုတ် (တိုင်ပေ) ရှိ ယခုနှစ်အစောပိုင်းက ကန့်ကွက်ဆန္ဒပြ သူများအောင်မြင် လာသကဲ့သို့ အလားသဏ္ဌာန် တူစွာအောင်မြင် လာသည်။ Christophe Daligault မှ ၎င်းတို့ app မှာ ကန့်ကွက် ဆန္ဒပြသူများ သုံးစွဲရန်ရည်ရွယ်၍ ဒီဇိုင်းရေးဆွဲ ထားသည့် messaging tool မဟုတ်ကြောင်း ပြောသည်။

“ကျွန်တော်တို့ ဒီဝန်ဆောင်မှုကို ရည်ရွယ်ထုတ်လုပ် ထားရခြင်းအကြောင်းက ဘာလဲဆိုတော့ ဆက်သွယ်ဆောင်ရွက်မှု နှေးကွေးတဲ့ နေရာတွေနဲ့  လူဦးရေ သိပ်သည်းတဲ့ နေရာတွေမှာ  သုံးစွဲဖို့ အတွက်ပဲ ဖြစ်ပါတယ်။ နယူးဒေလီနဲ့ မက္ကဆီကို မြို့တွေလို နေရာတွေမှာ သုံးစွဲဖို့ ထုတ်လုပ်ထားတာပါ” ဟု ၎င်းက ပြောသည်။

ပိုမိုရွေးချယ်နိုင်သည်

FireChat မှာ လက်ရှိအချိန်၌ Serval Mesh, Commotion နှင့် Storymaker တို့ကဲ့သို့သော mesh-network ဝန်ဆောင်မှု လောကထဲရှိ app များထဲမှ တစ်ခုအပါအဝင် ဖြစ်လာသည်။ ရုရှား၏ mesh-networking app ဖြစ်သော Telegram မှာ တောင်ကိုရီးယား၌ သုံးစွဲနေခဲ့ပြီး မေလပိုင်းတွင် ကိုရီးယား၌ homegrown messaging ဝန်ဆောင်မှု Kakao Talk ပျံ့နှံ့လာပြီး နောက်ပိုင်း အစိုးရပိုင်းမှ ကောလာဟလများကို တုံ့ပြန်သည့် အနေဖြင့် ဖြုတ်ချခဲ့သည်။

လက်ရှိ၌ လူပေါင်း ၃၅ သန်းကျော်ခန့်မှ ဝန်ဆောင်မှုကို သုံးစွဲနေပြီဖြစ်ပြီး မက်ဆေ့ခ်ျပို့ခြင်းနှင့် အလ္လာပသလ္လာပ ပြောဆိုခြင်း (chat) ပြုလုပ်ခြင်းတို့၌ သုံးစွဲသူများအတွက် အလွန်လွယ်ကူသည်။ ပုဂ္ဂိုလ်ရေးဆိုင်ရာ မက်ဆေ့ခ်ျပို့ခြင်း (Private messaging) မှာလည်း FireChat ၏ရွေးချယ်စရာများ (options) ထဲမှတစ်ခု ဖြစ်လာသည်။

“ကျွန်တော်တို့က Private messaging ကိုလျှို့ဝှက်ကုတ် (encryption) နဲ့ သုံးနိုင်အောင် လုပ်ပေးနေပါတယ်။ ဒီလိုဖြစ်လာဖို့ အတွက်ကတော့ တစ်ပတ်နှစ်ပတ်လောက် အချိန်အတွင်းမှာ ဖြစ်လာနိုင်မှာ မဟုတ်ဘဲ လပေါင်းများစွာ အချိန်ယူရပါမယ်။ ဒီ app ကိုလုပ်ရတာက အခြား ဆက်သွယ်ရေးဆိုင်ရာ app တွေထက် ပိုခက်လို့ ဒီလောက် အချိန်ယူတာ ဖြစ်ပါတယ်” ဟု Daligault မှဆိုသည်။

“တကယ်လို့များ သင်ဟာသင့်ရဲ့ လူတွေနဲ့ FireChat မှာ ဆွေးနွေးမှု ပြုလုပ်နေတယ်ဆိုရင် ရဲတပ်ဖွဲ့ဝင်တွေက သင့်ရဲ့ဆက်သွယ် ဆောင်ရွက်မှုတွေမှာ ဘယ်နေရာက အားနည်းနေတယ် ဆိုတာကို သိနိုင်မှာဖြစ်တယ်” ဟု ဟောင်ကောင် အခြေစိုက် ကျောင်းသားတစ်ဦးဖြစ်သော Michelle Zheng မှပြောသည်။

FireChat ၌ရှိသော အဓိကပြဿနာမှာ သုံးစွဲနေသောသူ၏ ပတ်လည်၌ရှိသော ရဲတပ်ဖွဲ့ဝင်များ အပါအဝင် လူတိုင်းမှ သင်ပေးပို့လိုက်သော  မက်ဆေ့ခ်ျများကို ရရှိနေခြင်းဖြစ်သည်။

-Ref: CNN