ဧပြီမှ စက်တင်ဘာလအထိ ခြောက်လစီမံကိန်း ရည်မှန်းချက်အရ ဆက်သွယ်ရေးကဏ္ဍတွင် ၉.၁ ရာခိုင်နှုန်း တိုးတက်ရန်အချက် ပါဝင်င်

၂၀၁၈ ခုနှစ် ဧပြီလကနေ စက်တင်ဘာလအထိ ခြောက်လ အမျိုးသားစီမံကိန်းဥပဒေကြမ်းမှာ ဆက်သွယ်ရေးကဏ္ဍ ၉.၁ ရာခိုင်နှုန်း တိုးတက်ရန်အချက် ပါဝင်ပါတယ်။

ခြောက်လစီမံကိန်း ရည်မှန်းချက်တွေထဲမှာ စုစုပေါင်း ပြည်တွင်းထုတ်လုပ်မှုနှင့် ဝန်ဆောင်မှုတန်ဖိုး (GDP) ကို ပုံမှန်ဈေးနှုန်းအရ ၇.၂ ရာခိုင်နှုန်း တိုးတက်ဖို့ ပါဝင်ပါတယ်။ ပုံမှန်ဈေးနှုန်းဆိုတာကတော့ အခြေခံနှစ် ၂၀၁၀-၂၀၁၁ ဘဏ္ဍာနှစ်မှာ ဖြစ်ပေါ်တဲ့ ကုန်ပစ္စည်းနဲ့ ဝန်ဆောင်မှုတွေရဲ့ ဈေးနှုန်းဖြစ်တယ်လို့ အဲဒီအမျိုးသားစီမံကိန်း ဥပဒေကြမ်းမှာ ဖော်ပြထားချက်အရ သိရပါတယ်။

ပုံမှန်ဈေးနှုန်းတွေအရ ပို့ဆောင်ရေးကဏ္ဍမှာ ၇.၇ ရာခိုင်နှုန်းတိုးတက်ရန်၊ ဆက်သွယ်ရေးကဏ္ဍမှာ ၉.၁ ရာခိုင်နှုန်း တိုးတက်ရန် အစရှိသဖြင့် ဖော်ပြထားပါတယ်။ ၂၀၁၈ ခုနှစ် ဧပြီလမှ စက်တင်ဘာလ အထိ ခြောက်လ အမျိုးသားစီမံကိန်းဥပဒေကြမ်းကို ပြည်သူတွေ သိရှိလေ့လာအကြံပြုနိုင်ဖို့ နိုင်ငံပိုင်သတင်းစာတွေကနေ ဖော်ပြထားတာဖြစ်ပြီး အကြံပြုစာတွေကို ပြည်ထောင်စုလွှတ်တော်ရုံးကို လိပ်မူပေးပို့နိုင်တယ်လို့ သိရပါတယ်။

-ထွန်းထွန်း