အိမ်သုံးဒီဂျစ်တယ်မီတာ အမျိုးအစားသစ်များ လာမည့်ဧပြီတွင် စတင်ရောက်ရှိမည်

အိမ်သုံးဒစ်ဂျစ်တယ် မီတာအမျိုးအစားသစ်တွေ လာမယ့် ဧပြီလဆန်းမှာ ရောက်ရှိမယ်လို့ ဇန်န၀ါရီ ၂၆ ရက်က ကျင်းပတဲ့ ဒုတိယအကြိမ် ပြည်သူ့လွှတ်တော် သတ္တမပုံမှန် အစည်းအဝေးကနေ သိရပါတယ်။

လက်ရှိတပ်ဆင် အသုံးပြုနေတဲ့ မီတာတစ်မျိုးတစ်စားတည်းအစား အသုံးပြုလိုတဲ့ လျှပ်စစ်ပမာဏ အပေါ်မူတည်ပြီး အိမ်သုံး ဒစ်ဂျစ်တယ်မီတာ အမျိုးအစားသုံးမျိုး ဝယ်ယူတပ်ဆင်မှာ ဖြစ်တယ်လို့ လျှပ်စစ်နှင့် စွမ်းအင်ဝန်ကြီးဌာန ဒုတိယဝန်ကြီး ဒေါက်တာထွန်းနိုင်က ပြောပါတယ်။ ၂၀၁၇-၂၀၁၈ ဘဏ္ဍာရေးနှစ် သာမာန်အသုံးစရိတ် ဘတ်ဂျက်နဲ့ တင်ဒါခေါ်ယူ ဆောင်ရွက်နေပြီး ကျေးရွာတွေအတွက် မီတာတိုက်ရိုက် ဖတ်ရှုတဲ့ ၅/၃၀ အမ်ပီယာ၊ မြို့ငယ်တွေအတွက် Hand Held Units- HHU (မီတာ ဖတ်စက်နဲ့ မီတာဖတ်ခြင်း) နဲ့ဖတ်ရှုရတဲ့ ၅/၃၀ အမ်ပီယာမီတာနဲ့ မြို့ကြီးတွေအတွက် အရင်ဝန်အား ပမာဏထက် နှစ်ဆပိုသုံးနိုင်မယ့် HHU (မီတာဖတ်စက်နဲ့ မီတာဖတ်ခြင်း) နဲ့ ဖတ်ရှုရတဲ့ ၁၀/၆၀ အမ်ပီယာတွေ ၂၀၁၈ ခုနှစ် ဧပြီလဆန်းမှာ စတင်ရောက်ရှိမှာ ဖြစ်တယ်လို့ ပြောကြားခဲ့ပါတယ်။

အဲဒီမီတာသုံးမျိုးနဲ့ မီတာလိုအပ်ချက်တွေကို ဖြည့်ဆည်းပေးနိုင်ဖို့ စီစဉ်နေတယ်လို့ ဆိုပါတယ်။ ကလေးမြို့ နယ်မှာ အိမ်သုံးမီတာ ဘောက်စ်များ လုံလောက်စွာ ချထားပေးရန် အစီအစဉ်ရှိ၊ မရှိမေးခွန်းနဲ့ စပ်လျဉ်းပြီး ဒုတိယဝန်ကြီးက ဖြေကြားခဲ့ရာမှာ ထည့်သွင်းပြောကြား ခဲ့တာဖြစ်ပါတယ်။

-ထွန်းထွန်း