အာဆီယံဆက်သွယ်ရေးနှင့် သတင်းအချက်အလက် နည်းပညာဆိုင်ရာဝန်ကြီးများ အစည်းအဝေးကျင်းပခဲ့

အာဆီယံဆက်သွယ်ရေးနှင့် သတင်းအချက်အလက် နည်းပညာဆိုင်ရာဝန်ကြီးများ အစည်းအဝေးကို ကမ္ဘောဒီယားနိုင်ငံ Siem Reap မြို့မှာ ကျင်းပခဲ့တယ်လို့ သိရပါတယ်။

အဲဒီ (၁၇) ကြိမ်မြောက် အစည်းအဝေးကို နိုဝင်ဘာ ၃၀ ရက်ကနေ ဒီဇင်ဘာ ၁ ရက်အထိ ကျင်းပခဲ့တာဖြစ်ပြီး မြန်မာနိုင်ငံကလည်း တက်ရောက်ခဲ့တယ်လို့ သိရပါတယ်။ အာဆီယံနိုင်ငံတွေရဲ့ ဆက်သွယ်ရေးနဲ့ သတင်းအချက်အလက် နည်းပညာဆိုင်ရာ ဝန်ကြီးတွေ၊ ဒုတိယဝန်ကြီးတွေနဲ့ အာဆီယံဆက်သွယ်ရေးကဏ္ဍ ဆွေးနွေးဖက်နိုင်ငံတွေဖြစ်တဲ့ တရုတ်နိုင်ငံ၊ ဂျပန်နိုင်ငံ၊ ကိုးရီးယားနိုင်ငံတွေက ဒုတိယဝန်ကြီးတွေ၊ အပြည်ပြည်ဆိုင်ရာ ကြေးနန်းအဖွဲ့ချုပ် (ITU) မှ အထွေထွေအတွင်းရေးမှူးချုပ်၊ အာဆီယံစီးပွားရေး အသိုက်အဝန်းမှ ဒုတိယအထွေထွေ အတွင်းရေးမှူးချူပ် အစရှိသူတို့ တက်ရောက်ခဲ့တယ်လို့ သိရပါတယ်။

မြန်မာနိုင်ငံက ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန ဒုတိယဝန်ကြီး ဦးကျော်မျိုး တက်ရောက်ခဲ့တာ ဖြစ်ပါတယ်။ အာဆီယံနိုင်ငံတွေကြား ပြောင်းလဲတိုးတက်လာတဲ့ နည်းပညာဆိုင်ရာကိစ္စ ရပ်တွေအပေါ် အမြင်ဆွေးနွေး ဖလှယ်ခြင်း၊ ၂၀၁၇ ခုနှစ်အတွင်းမှာ ဆောင်ရွက်ခဲ့တဲ့ လုပ်ငန်းတွေနဲ့ စပ်လျဉ်းပြီး ဆောင်ရွက်ပြီး စီးချက်တွေအပေါ် ဆွေးနွေးအတည်ပြုခြင်း၊ ဆက်လက်ဆောင်ရွက်မယ့် လုပ်ငန်းစဉ်တွေနဲ့ စပ်လျဉ်းပြီး ဆွေးနွေးအတည်ပြု ထုတ်ပြန်ခြင်းတွေကို ဆောင်ရွက်ခဲ့တယ်လို့ သိရပါတယ်။

အဲ့ဒါအပြင် ဆွေးနွေးဖက်နိုင်ငံတွေဖြစ်တဲ့ တရုတ်၊ ဂျပန်၊ ကိုးရီးယားနိုင်ငံတွေနဲ့ ဆောင်ရွက်နေတဲ့ လုပ်ငန်းတွေအပေါ် ဆွေးနွေးအတည်ပြုခြင်း၊ အပြည်ပြည်ဆိုင်ရာ ကြေးနန်းဆက်သွယ်ရေးအဖွဲ့ချုပ်နဲ့ အာဆီယံနိုင်ငံတွေအကြား ဆက်လက်ဆောင်ရွက်မယ့် ကိစ္စတွေနဲ့စပ်လျဉ်းပြီး ဆွေးနွေးအတည်ပြုခြင်းတွေကိုလည်း ဆောင်ရွက်ခဲ့တယ်လို့ သတင်းထုတ်ပြန်ချက်အရ သိရပါတယ်။

-ထွန်းထွန်း