အများပြည်သူပိုင် စာကြည့်တိုက် ၄၀ အား ဆက်သွယ်ရေး စနစ်များစတင် ချိတ်ဆက်ပေးပြီး အဆင့်မြှင့်မá‚

ပြည်တွင်း၌ ဖွင့်လှစ်ထားသော အများပြည်သူပိုင် စာကြည့်တိုက် ၄၄ ခုတွင် သတင်းအချက်အလက်နှင့် နည်းပညာ ကဏ္ဍဖွံ့ဖြိုး စေရန်အတွက် Ooredoo Myanmar ဆက်သွယ်ရေး ကုမ္ပဏီ၊ ပြန်ကြားရေး ဝန်ကြီးဌာန၊ Myanmar Book Aid & Preservation Foundation (MBAPF) နှင့် အပြည်ပြည်ဆိုင်ရာ အကျိုးအမြတ် မပါသော အဖွဲ့အစည်း (IREX ) တို့ပူးပေါင်း၍ Tablet ကွန်ပျူတာများနှင့် အင်တာနက် ချိတ်ဆက်မှုများကို အခမဲ့ပြုလုပ် ပေးသွားမည် ဖြစ်ကြောင်း သတင်းရရှိသည်။

အများပြည်သူပိုင် စာကြည့်တိုက်များတွင် ကွန်ပျူတာ၊ Tablet များ တပ်ဆင်ပြီး Beyond Access Myanmar ဟူသည့် အစီအစဉ်ဖြင့် အင်တာနက် ဆက်သွယ်ရေး စနစ်များ ချိတ်ဆက်ပေးမည်ဖြစ်ပြီး ၂၀၁၄၊ နိုဝင်ဘာလတွင် စာကြည့်တိုက် ၄၄ ခုကို စတင်ပြောင်းလဲ သွားမည်ဖြစ်သည်။

ထို့နောက် တစ်လအတွင်း နောက်ထပ် စာကြည့်တိုက်ပေါင်း ၁၅ ခုကိုထပ်မံ၍ နည်းပညာနှင့် ချိတ်ဆက်ပြီး အဆင့်မြှင့်တင် သွားမည်ဖြစ်ကြောင်း သိရသည်။

အများပြည်သူပိုင် စာကြည့် တိုက်များအား ကွန်ပျူတာစနစ်များ ချိတ်ဆက်ထားသည့်  စာကြည့်တိုက်များ အဖြစ်သို့  ပြောင်းလဲပြီး ခေတ်နှင့်အညီ ဖွံ့ဖြိုးတိုးတက် လာရန်အတွက် Beyond Access Myanmar အမည်ရှိ အဆိုပါ အစီအစဉ်အား အစိုးရနှင့် ပုဂ္ဂလိကနယ်ပယ်မှ လုပ်ငန်းများပူးပေါင်း စီစဉ်ရခြင်းဖြစ်ကြောင်း Ooredoo Myanmar မှသိရသည်။

ရန်ကုန်မြို့ အပါအဝင် အခြားမြို့ကြီးများနှင့် နယ်မြို့များတွင် ဖွင့်လှစ်ထားသော အများပြည်သူပိုင် စာကြည့်တိုက် ၅၅ ခုတွင် အင်တာနက် စနစ်ချိတ်ဆက် အသုံးပြုနိုင်ရန်အတွက် Ooredoo Myanmar ကထောက်ပံ့ ပေးသွားမည်ဖြစ်ပြီး စာကြည့်တိုက်မှူးများနှင့် ဝန်ထမ်းများအနေဖြင့် ဆက်သွယ်ရေး နည်းပညာစနစ်ကို အသုံးပြုလာနိုင်စေရန်အတွက် ကူညီပေးသွားမည်ဟု အဆိုပါ ကာတာ ဆက်သွယ်ရေး ကုမ္ပဏီ၏ လူမှုဆက်ဆံရေးနှင့် ပြန်ကြားရေး တာဝန်ခံ ဒေါ်သီရိကြာညိုက ပြောသည်။

ပြန်ကြားရေး ဝန်ကြီးဌာနသည် အများပြည်သူပိုင် စာကြည့်တိုက်များ နည်းပညာကို အသုံးချပြီး တိုးတက်ရန်အတွက် ပထမဆုံးအနေဖြင့် စာကြည့်တိုက် ၅၅ ခုနှင့် စတင်ခဲ့ခြင်းဖြစ်ပြီး အထက်ပါ ပုဂ္ဂလိက နယ်ပယ်မှ နည်းပညာ ကုမ္ပဏီများနှင့် ပူးပေါင်းပြီး ဆက်လက်တိုးချဲ့ သွားမည်ဖြစ်ကြောင်း အဆိုပါ ဝန်ကြီးဌာန၏ ပြန်ကြားရေးနှင့် ပြည်သူ့ဆက်ဆံရေးဌာန ညွှန်ကြားရေးမှူးချုပ် ဦးရဲတင့်က ပြောကြားသည်။

-ယုဇနကိုကို