အင်တာနက်သုံးစွဲသူ ၁၅ သန်းတွင် ၁၄ သန်းမှာ အကောင့်ကို Log Out လုပ်လေ့မရှိ

အင်တာနက်သုံးစွဲသူ ၁၅ သန်းရှိတဲ့အထဲမှာ ၁၄ သန်းဟာအကောင့်ကို Log Out လုပ်လေ့မရှိဘူးလို့ သိရပါတယ်။

အောက်တိုဘာ ၂၅ ရက်က နေပြည်တော်မှာ ကျင်းပခဲ့တဲ့ Cyber Space ဆွေးနွေးပွဲမှာ ပို့ဆောင်ရေးနှင့် ဆက်သွယ်ရေးဝန်ကြီးဌာန သတင်းအချက်အလက် နည်းပညာနှင့် ဆိုက်ဘာလုံခြုံရေး ဦးစီးဌာနမှ ညွှန်ကြားရေးမှူး ဦးရဲနိုင်မိုးကပြောကြား ခဲ့တာဖြစ်ပါတယ်။ အိုင်တီနည်းပညာကွန်ရက်ကို အသုံးပြုရင် ဆိုက်ဘာထဲမှာပါဝင်ကြောင်း၊ သုံးစွဲသူ ၁၅ သန်းမှာ ၁၄ သန်းဟာ မိမိတို့အကောင့်ကို Log Out လုပ်လေ့မရှိကြောင်း၊ အဲဒါကိုနားလည်ဖို့လိုအပ်နေသေးကြောင်း ပြောကြားခဲ့တာ ဖြစ်ပါတယ်။

ဝက်ဘ်ဆိုက်တွေ အတိုက်ခံရလို့ရှိရင် သိစေချင်တဲ့ အချက်အလက်တွေ သိချင်လို့ယူသွားတဲ့ သဘောကိုပဲ နားလည်ကြောင်း၊ အကောင့်အသစ် ပြန်လုပ်မယ်လို့သာ နားလည်ထားကြကြောင်း၊ မိမိတို့ အများစုဟာ Gmail ကိုသုံးကြကြောင်း၊ Gmail ဆာဗာ (gmail server) ကိုဖြတ်သန်းသွားရကြောင်း၊ ထောင်ပေါင်းများစွာသော gmail ကို နည်းပညာအရ ဖတ်နိုင်အောင်လုပ်ထားကြောင်း၊ ဝန်ထမ်းတွေအနေနဲ့ ဌာနနဲ့ပတ်သက်လို့ gmail ကိုသုံးမယ်ဆိုရင် ဌာန gmail ကိုသာ ပေးစေလိုကြောင်း အစရှိ သည်ဖြင့် ပြောကြားခဲ့တယ်လို့ သိရပါတယ်။

-ထွန်းထွန်း