သမဝါယမဘဏ်မှ Youth Card ဝန်ဆောင်မှု ပြုလုပ်

သမဝါယမဘဏ်မှ ကျောင်းသား၊ ကျောင်းသူများအတွက် ရည်ရွယ်၍ Youth Card ဝန်ဆောင်မှု ပါဝင်သော CB Youth ကိုစတင် ပြုလုပ်လိုက်ကြောင်း သိရသည်။

အဆိုပါ CB Youth ဝန်ဆောင်မှုမှာ ကျောင်းသား၊ ကျောင်းသူများအတွက် မိမိကိုယ်ပိုင်ငွေကို စုဆောင်းနိုင်ပြီး ယင်းစုငွေကို အဆင်ပြေ လွယ်ကူစွာ သုံးစွဲနိုင်စေရန် ဆောင်ရွက်ခြင်းဖြစ်ကြောင်း၊ မိမိစုဆောင်းငွေအပေါ် ငွေကြေးသုံးစွဲမှု စီမံခန့်ခွဲနိုင်စေရန်လည်း ရည်ရွယ်ကြောင်း သိရသည်။ “သိန်း ၅၀၀ အထိ စုနိုင်မှာဖြစ်ပါတယ်၊ အဲဒီငွေတွေကို ATM ကတ်ထဲက ပြန်ထုတ်လို့လည်း ရတယ်”ဟု သမဝါယမဘဏ်၏ ဦးဆောင် ညွှန်ကြားရေးမှူး ဦးဖေမြင့်က ပြောသည်။ အသက် ၁၆ နှစ်မှ ၂၂ အတွင်း ကျောင်းသား၊ ကျောင်းသူများ CB Youth အစီအစဉ်ကို ဆောင်ရွက်နိုင်မည်ဖြစ်ပြီး သမဝါယမဘဏ်များတွင် မှတ်ပုံတင်နှင့် ကျောင်းသားကတ်တို့ဖြင့် စာရင်းဖွင့်နိုင်ကြောင်း၊ ငွေကျပ်တစ်သောင်းမှ စတင်စာရင်း ဖွင့်နိုင်ကြောင်း သိရသည်။

စာရင်းဖွင့်ပြီးပါက CB Bank Youth Card Design သုံးမျိုးထဲမှ နှစ်သက်ရာဒီဇိုင်းကို ရွေးချယ်အသုံးပြု နိုင်မည်ဖြစ်သည်။ အဆိုပါကတ်ဖြင့် မိုဘိုင်းဘဏ်စနစ် ချိတ်ဆက်ပေးခြင်း၊ eAlert ဝန်ဆောင်မှု ရယူခြင်း အစရှိသည့် ဆောင်ရွက်ချက်များ ရရှိမည်ဖြစ်ကြောင်း သိရသည်။ “အဲဒီကတ်နဲ့ နေရာပေါင်း ၁၈ နေရာမှာ Discount ရရှိမှာပါ၊ ဘဏ်ကပေးတဲ့ အကျိုးခံစားခွင့်တွေလည်း ရရှိမယ်”ဟုဦးဖေမြင့်က ပြောကြားသည်။ CB Youth စာရင်းကို eSavings  ဖွင့်ပေးကာ လက်ရှိငွေစု ဘဏ်တိုးနှုန်း ၈.၅ ရာခိုင်နှုန်း ခံစားခွင့်ပေးကြောင်း၊ ကနဦး စာရင်းဖွင့်လှစ်ခြင်းကို ကျပ်နှစ်ထောင်ဖြင့် ဆောင်ရွက်နိုင်ကြောင်း သိရသည်။

CB Youth စာရင်းပိုင်ရှင်သည် လစဉ်ကျပ်တစ်သောင်း မဖြစ်မနေ စုဆောင်းရမည် ဖြစ်သည်။ CB Youth စာရင်းအတွက် မိုဘိုင်းဘဏ်စနစ်၏ နှစ်စဉ်ကြေး၊ မှတ်ပုံတင်ကြေးတို့ ကင်းလွတ်ခွင့် ရရှိမည်ဖြစ်ကြောင်း၊ လစဉ် eStatement အခမဲ့ပို့ပေးမည်ဖြစ် ကြောင်းသိရသည်။

-ထွန်းထွန်း