သတင်းအချက်အလက် နည်းပညာတက္ကသိုလ် ကျောင်းပြောင်းလျှောက်ထားမှု ပုံစံပြောင်းလဲ

သတင်းအချက်အလက် နည်းပညာတက္ကသိုလ် (University of Information Technology) ကျောင်းပြောင်းလျှောက်ထား သူတွေအတွက် ပုံစံပြောင်းလဲ ထားတယ်လို့ သိရပါတယ်။

အခုပညာသင်နှစ်မှာ မိမိတို့တက္ကသိုလ်ဝင်တန်းအောင်မြင်တဲ့ခုနှစ်ရဲ့တက္ကသိုလ်ဝင်ခွင့်ရမှတ်အပေါ်အ ခြေခံစဉ်းစားမယ်လို့ သိရပါတယ်။ အဲဒီအချက်ကို ပညာရေးဝန်ကြီးဌာန အဆင့်မြင့်ပညာဦးစီးဌာနရဲ့ ညွှန်ကြားမှုနဲ့ ဆောင်ရွက်တာဖြစ်ကြောင်း၊ အဲဒါကြောင့် တက္ကသိုလ်ဝင်တန်း အောင်မြင်တဲ့ ခုနှစ်ရဲ့ တက္ကသိုလ်ဝင်ခွင့်အမှတ် မှီမှသာကျောင်းပြောင်းလက်ခံမှာဖြစ်ကြောင်းသိရပါတယ်။
ယခင် ၂၀၁၅-၁၆ ပညာသင်နှစ်နဲ့ ၂၀၁၆-၁၇ ပညာသင်နှစ်တွေမှာ ကျောင်းပြောင်းလက် ခံနိုင်ခဲ့တာဟာ ၆-၈-၂၀၁၅ ရက်နေ့က သိပံ္ပနှင့်နည်းပညာဝန်ကြီးဌာနမှာ ကျင်းပခဲ့တဲ့ တက္ကသိုလ် များလုပ်ငန်းညှိနှိုင်းအစည်းအဝေးရဲ့ ညှိနှိုင်းဆုံးဖြတ်ချက်အရ ဆောင်ရွက်ခဲ့တာဖြစ်ပြီး ယခုချိန်မှာတော့ ပညာရေးဝန်ကြီးဌာနမှ ထပ်မံထွက်ရှိလာတဲ့ မူအရ လက်ခံနိုင်ခြင်းမရှိကြောင်း အသိပေးကြေညာ ထားပါတယ်။

-ထွန်းထွန်း