လူမှုကွန်ရက်ကို တစ်နေ့ နှစ်နာရီကျော် သုံးစွဲသူများက အထီးကျန်သူများဖြစ်ဟုဆို

အရွယ်ရောက်ပြီးသူ လူငယ်များဟာ လူမှုကွန်ရက်ပေါ်တွင် အချိန်ပိုဖြုန်းသူများဖြစ်ကြောင်း၊ လူမှုကွန်ရက်ကို အချိန်ကြာကြာ သုံးစွဲသူက ပိုပြီး အထီးကျန်သူများဖြစ်ကြောင်း လေ့လာတွေ့ရှိချက်သစ် တစ်ခုမှာ ဖော်ပြထားပါတယ်။

လူမှုကွန်ရက် account တွေမှာ တစ်နေ့ကို အချိန်နှစ်နာရီကျော်ကြာ သုံးစွဲသူတွေဟာ နာရီဝက်အကြာ သုံးစွဲသူတွေထက် အထီးကျန်ဝေဒနာကို

နှစ်ဆခံစားနေရတယ်လို့ American Journal of Preventative Medicine က ဖော်ပြခဲ့ပါတယ်။

Pittsburgh တက္ကသိုလ်မှ သုတေသီများဟာ အသက် ၁၉ နှစ်မှ ၃၂ နှစ်အရွယ်ရှိ အမေရိကန်နိုင်ငံသား ၁,၇၈၇ ဦး ထံမှ စစ်တမ်းကောက်ယူပြီးနောက် အဆိုပါ လေ့လာတွေ့ရှိချက် ထုတ်ပြန်ခဲ့တာဖြစ်ပါတယ်။ အဲ့ဒီစစ်တမ်းမှာ Facebook, YouTube, Twitter, Google Plus, Instagram, Snapchat, Reddit, Tumblr, Pinterest, Vine နဲ့ LinkedIn စတဲ့ နာမည်ကျော် လူမှုကွန်ရက်ဆိုက် ၁၁ ခုကို သုံးစွဲတဲ့အချိန်နဲ့ အကြိမ်အရေအတွက်ကို မေးမြန်းခဲ့ပါတယ်။

အထီးကျန်မှုကို တိုင်းတာဖို့အတွက် သုတေသီများက Patient-Reported Outcomes Measurement Information System (PROMIS) လို့ခေါ်တဲ့ tool တစ်ခုကို အသုံးပြုခဲ့ပါတယ်။ အဲ့ဒီ tool ဟာ လူတွေရဲ့ အပြုအမူ၊ စိတ်ခံစားချက်နဲ့၊ ရောဂါလက္ခဏာတို့ကို ထုတ်ပြန်ပေးနိုင်ပါတယ်။

စစ်တမ်းရလဒ်များအရ လူမှုရေးမီဒီယာများကို တစ်ပတ်မှာ ၅၈ ကြိမ်နဲ့အထက် သုံးစွဲသူတွေဟာ တစ်ပတ်မှာ ၉ ကြိမ် အောက် သုံးစွဲသူတွေထက် အထီးကျန်ဝေဒနာကို သုံးဆခံစားနေရတယ်လို့ သိရပါတယ်။

“ဒါဟာ အရမ်းကို အရေးကြီးတဲ့ကိစ္စတစ်ခုပါ။ စိတ်ပိုင်းဆိုင်ရာကျန်းမာရေးပြဿနာတွေနဲ့ အထီးကျန်ဝေဒနာတွေက လူငယ်တွေအကြားမှာ ကပ်ရောဂါလို ကူးစက်ပျံ့နှံ့နေပါပြီ” လို့ သုတေသနအဖွဲ့ကို ဦးဆောင်သူ ဒေါက်တာ Brian A. Primack က ပြောကြားခဲ့ပါတယ်။

Ref: MNT