ရန်ကုန်တက္ကသိုလ်စာကြည့်တိုက်၏ ဝန်ဆောင်မှုများကို အွန်လိုင်းမှ ရယူနိုင်

ရန်ကုန်တက္ကသိုလ်စာကြည့်တိုက်ရဲ့ ဝန်ဆောင်မှုတွေကိုအွန်လိုင်းမှရယူနိုင် မယ်လို့ University of Yangon Library က ထုတ်ပြန်ထားပါတယ်။

အွန်လိုင်းကနေရယူနိုင်မယ့် ဝန်ဆောင်မှုတွေက စာအုပ်များ အလွယ်တကူရှာဖွေနိုင်ခြင်း၊ ငှားရမ်းမယ့်နေ့ရက်ကို ကြိုတင်ချိတ်ဆက်နိုင်ခြင်း၊ ငှားရမ်းပြီးသား စာအုပ်ကို ငှားရမ်းရက် သက်တမ်းတိုးမြှင့်ခြင်းနဲ့ အချို့သော စာအုပ်များကို Download လုပ်ဆောင်ခြင်း စတာတွေ ဖြစ်တယ်လို့ သိရပါတယ်။​

ကျောင်းသား၊ကျောင်းသူ၊ ဆရာ၊ဆရာမတွေနဲ့ သုတေသီတွေ အနေနဲ့ ရန်ကုန်တက္ကသိုလ်စာကြည့်တိုက်(UYL)မှာ စုဆောင်းထားရှိသော အင်္ဂလိပ်၊ မြန်မာ စာအုပ်များ၊ eResource database များကို မိမိတို့နေအိမ်မှ UY website  https://www.uy.edu.mm/ မှတစ်ဆင့် UYLibrary ( https://www.uy.edu.mm/e-library/ ) မှာ ရှာဖွေနိုင်မှာဖြစ်ပါတယ်။ ရှာဖွေရာမှာ လိုအပ်တဲ့ စာအုပ်တွေကို UYLibrary ရှိ Online Catalogue မှာ စာရေးသူအမည်၊ စာအုပ်အမည်၊ ပညာရပ်အမည်တို့နဲ့ အလွယ်အကူ ရှာဖွေနိုင်မှာ ဖြစ်တယ်လို့ ဆိုပါတယ်။

Database A-Z အောက်တွင် eRsource database များမှ မိမိတို့လိုအပ်တဲ့ ebook တွေနဲ့ article တွေကိုလည်း ရှာဖွေနိုင်မှာဖြစ်သလို စာငှားကောင်တာကနေ ငှားရမ်းထားတဲ့ စာအုပ်တွေကို စာငှားရက်ထပ်တိုးခြင်း ပြုလုပ်လိုပါက uylibrary@uy.edu.mm, ဖုန်း – ၀၉၅၁၅၃၇၂၅၀ မှ တစ်ဆင့် ပြုလုပ်နိုင်မှာ ဖြစ်တယ်လို့ သိရပါတယ်။

ဒါ့အပြင် ရန်ကုန်တက္ကသိုလ်ရဲ့ Repository (uyr.uy.edu.mm) မှာ လွှင့်တင်ထားတဲ့ ပြည်တွင်း ပြည်ပ သုတေသနစာစောင်တွေနဲ့ ကျမ်းတွေရဲ့ အနှစ်ချုပ်တွေကို pdf full-text version နဲ့ download ရယူ ဖတ်ရှုနိုင်မယ်လို့ သိရပါတယ်။

သုတ−ရသ စာအုပ်တွေကို အသစ်ငှားရမ်းလိုပါက UYLibrary ရှိ Online Catalogue ရဲ့ https://www.uy.edu.mm/e-library/ မှ ငှားရမ်းလိုသော စာအုပ်ရဲ့ Call number (Class number, Author initial နဲ့ Accession number) တို့ကို မှတ်သားပြီး email, တယ်လီဖုန်းမှ တစ်ဆင့် ကြိုတင်အကြောင်းကြားကာ သတ်မှတ်သောရက်တွင် လာရောက် ငှားရမ်းနိုင်ကြောင်း University of Yangon Library က အသိပေး ထုတ်ပြန်ထားပါတယ်။

-ကျော်ဇေယျ