ရန်ကုန်မြို့တွင် ရာနှုန်းပြည့်နီးပါး ဆက်သွယ်ရေး ကွန်ရက်ဖြန့်ကြက်ပြီး ဖြစ်သော်လည်း Ooredoo Myanmar ၏ဝ

IMG_0871.jpg

Ooredoo Myanmar ဆက်သွယ်ရေး ကုမ္ပဏီသည် ရန်ကုန်တစ်မြို့လုံး၏ ၉၅ ရာခိုင်နှုန်းကျော်တွင် ၎င်းတို့၏ ဆက်သွယ်ရေး ကွန်ရက်ကိုဖြန့်ကြက်ပြီး ဖြစ်ကြောင်း သတင်းရရှိသည်။

ကာတာ ဆက်သွယ်ရေး ကုမ္ပဏီအနေဖြင့် ၎င်းတို့၏ ဆက်သွယ်ရေး ကွန်ရက်ဖြန့်ကြက် ထားပြီးဖြစ်သည့် နေရာများအနက် အချို့သော မြို့နယ်များရှိ Ooredoo ဆက်သွယ်ရေး ကွန်ရက်များသည် အရည်အသွေး အသင့်အတင့်သာ ရှိသေးပြီး အပြည့်အဝ ကောင်းမွန်ရန် လိုအပ်သေးကြောင်း ပြည်တွင်း၊ ပြည်ပမီဒီယာသို့ ပြောကြားသည်။

ဆက်သွယ်ရေး တာဝါတိုင်များ တည်ဆောက်ရန် နေရာများစွာ ကျန်ရှိနေသေးပြီး ၂၀၁၄၊ စက်တင်ဘာလ ကုန်အထိ ရန်ကုန်တိုင်း ဒေသကြီးအတွင်း၌ ၂၆ မြို့နယ်တွင် ကွန်ရက်ဖြန့်ကြက်ခဲ့ပြီး ယခုလကုန်တွင် စုစုပေါင်း ၃၉ မြို့နယ်အထိ ဆက်လက်ဖြန့်ကြက် ပေးသွားမည်ဟု  အဆိုပါ ကုမ္ပဏီ၏ စီးပွားရေး လုပ်ငန်းများ ဆိုင်ရာဌာန၏ အမှုဆောင်အရာရှိ ဦးကျော်မင်းစိုးက ပြောကြားသည်။

Ooredoo Myanmar ဆက်သွယ်ရေး ကုမ္ပဏီသည်  ၂၀၁၄၊ အောက်တိုဘာလကုန်တွင် မန္တလေးမြို့၌ ၂၈ မြို့နယ်ရှိသည့် အနက် ၁၇ မြို့နယ်ကို ၎င်းတို့၏ ဆက်သွယ်ရေး ကွန်ရက်လွှမ်းခြုံနိုင်ရန် ဆောင်ရွက်ခဲ့ပြီး ဖြစ်သည်။

မိုဘိုင်းဖုန်း သုံးစွဲသူအများဆုံး နေရာဒေသ များဖြစ်သည့် ရန်ကုန်နှင့် မန္တလေးမြို့များတွင် Ooredoo Myanmar ၏ဆက်သွယ်ရေး ကွန်ရက်များမှာ နေရာအများစုတွင် ဖြန့်ကြက်ထားပြီဟု ဆိုသော်လည်း ၎င်းတို့၏ မိုဘိုင်း အင်တာနက် ဝန်ဆောင်မှုနှင့် မိုဘိုင်းဖုန်းခေါ်ဆိုသည့် ဝန်ဆောင်မှုများသည် လူနေထူထပ်သည့် မြို့နယ်အချို့တွင်မူ သုံးစွဲရခက်ခဲသည့် ပြဿနာရှိနေကြောင်း သုံးစွဲသူများထံမှ စုံစမ်းသိရသည်။

“ကွန်ရက်က မြေနီကုန်းမီး ပွိုင့်နားတစ်ဝိုက်ဆို မရဘူး။ ကိုယ့်ဆီဖုန်းခေါ်ရင် စက်ပိတ်ထားတယ် ဆိုပြီးပဲတုံ့ပြန်တယ်။ လိုင်းမမိတဲ့နေရာ နည်းနည်းများ နေသေးတယ်။ အင်တာနက်ကလည်း ကွန်ရက်မရတဲ့ နေရာပဲများနေသေးလို့လား မသိဘူး။ နေရာ တော်တော်များများမှာ မိုဘိုင်းအင်တာနက် သုံးလို့မရသေးဘူး။ ဆူးလေတစ်ဝိုက်လည်း သရီးဂျီမမိဘူး” ဟု လှိုင်မြို့နယ်တွင် နေထိုင်သည့် မိုဘိုင်းဖုန်း အသုံးပြုသူ အမျိုးသားတစ်ဦးက ပြောသည်။

၂၀၁၄၊ ဒီဇင်ဘာလကုန်တွင် မြန်မာတစ်နိုင်ငံလုံး၏ လူဦးရေ ၂၅ သန်းကျော်ကို ကွန်ရက်ဖြန့် ကြက်နိုင်မည်ဟု ကာတာဆက် သွယ်ရေးကုမ္ပဏီက ကတိပေးပြောကြား ထားသော်လည်း ပြည်တွင်း မိုဘိုင်းဖုန်း အသုံးပြုသူများ အနေဖြင့်မူ ယခုအချိန်ထိ ပိုမိုကောင်းမွန်သည့် အရည်အသွေးရှိသော ဆက်သွယ်ရေး ကုမ္ပဏီကို ရွေးချယ်ရ ခက်ခဲနေဆဲ ဖြစ်သည်။

“နိုင်ငံခြား ကုမ္ပဏီတွေဘက်က ဆက်သွယ်ရေးထက် ပိုကောင်းအောင် လုပ်နေတာကိုတော့ လက်ခံရပါမယ်။ ဒါပေမဲ့ သူတို့မှာအပြည့်အဝ လုပ်ကိုင်ခွင့်တွေ ရရှိလား၊ မရရှိလား ဆိုတာတော့ မေးခွန်းထုတ်စရာပါပဲ။ ဂျပန်နဲ့ပေါင်းလိုက်တဲ့ မြန်မာ့ဆက်သွယ်ရေးရဲ့ အရည်အသွေးတွေကလည်း တိုးတက်မလာသေးဘူး” ဟု ပြည်ပဆက်သွယ်ရေး ကုမ္ပဏီများနှင့် နီးစပ်သည့် ကွန်ပျူတာ လုပ်ငန်းရှင်တစ်ဦးက သုံးသပ်ပြောကြားသည်။

ပြည်ပဆက်သွယ်ရေး အော်ပရေတာနှစ်ခုနှင့် အမှတ်တံဆိပ် အသစ်ဖြင့် ထွက်ရှိလာသည့်  MPT ဆင်းမ်ကတ်ကို အသုံးပြုသူများကြောင့် မိုဘိုင်းဖုန်း အသုံးပြုသူ အရေအတွက်သည် ၁၅ သန်းကျော် ရှိလာပြီ ဖြစ်သော်လည်း အများပြည်သူ ရရှိနေသည့် ဆက်သွယ်ရေး ဝန်ဆောင်မှုများမှာမူ နိုင်ငံတကာ အဆင့်မီရန် လိုအပ်ချက်များ ရှိနေသေးကြောင်း အဆိုပါ ဆက်သွယ်ရေး အော်ပရေတာများမှ တာဝန်ရှိသူ အချို့က သုံးသပ်ပြောကြားသည်။

-ယုဇနကိုကို