ယုံကြည်ရသော သတင်းရင်းမြစ်များ စိစစ်ရန် Facebook စစ်တမ်းကောက်ယူမည်

News Feed ကို ပြင်ဆင်မယ့် ကုမ္ပဏီရဲ့ အစီအစဉ် ဒုတိယပိုင်းကို Facebook အမှုဆောင်အရာရှိချုပ်ဖြစ်သူ မာ့ခ်ဇူကာဘတ်က ဒီကနေ့မှာ ထုတ်ပြန်ခဲ့ပါတယ်။ အဲ့ဒီထုတ်ပြန်ချက်မှာ Facebook သုံးစွဲသူတွေအပေါ် စာရင်းကောက်ခံပြီး သတင်းရင်းမြစ်တွေရဲ့ ယုံကြည်အားထားရမှုနဲ့ သတင်းအရည်အသွေးကို တိုးတက်အောင် ပြုလုပ်သွားမယ့် အစီအစဉ်တွေပါဝင်ပါတယ်။

Facebook ရဲ့ ရှိပြီးသား အရည်အသွေးစစ်တမ်းတွေဟာ အခုစနစ်နဲ့ တွဲဖက်လုပ်ဆောင်သွားမှာ ဖြစ်ပါတယ်။ သုံးစွဲသူတွေကို သတင်းရင်းမြစ်တွေနဲ့ ပတ်သက်ပြီး ရင်းနှီးမှု ရှိ၊ မရှိနဲ့ ယုံကြည်ရခြင်း ရှိ၊ မရှိ စတာတွေကို မေးသွားမှာ ဖြစ်ပါတယ်။ မာ့ခ်ဇူကာဘတ်ရဲ့ ပြောကြားချက်အရ Facebook အနေနဲ့ သတင်းရင်းမြစ်တွေကို ကိုယ်တိုင် ဆုံးဖြတ်ချက်ချခိုင်းတာ ဒါမှမဟုတ် ပြင်ပ ပညာရှင်တွေဆီက အကြံတောင်းခံတာတွေကို ပြုလုပ်ဖို့ ဆုံးဖြတ်ထားပါတယ်။ ဒါပေမဲ့ Facebook သုံးစွဲသူက ယုံကြည်ရဆုံး သတင်းရင်းမြစ်တွေကို ဆုံးဖြတ်တဲ့ နည်းလမ်းဟာ ဓမ္မဓိဋ္ဌာန်အကျဆုံး နည်းလမ်းဖြစ်ပါတယ်။

အင်တာနက်မှာ သတင်းတုပျံ့နှံ့နေတာတွေကို အလွယ်တကူဖြစ်စေတဲ့ Facebook ရဲ့အဓိကပြဿနာကို စတင်ဖြေရှင်းဖို့ ဇူကာဘတ်ဟာ အခုအပြောင်းအလဲကို ပြုလုပ်ခဲ့ပါတယ်။

ပြီးခဲ့တဲ့အပတ်က Facebook ဟာ အစီအစဉ်ရဲ့ ပထမအပိုင်းကို ကြေညာခဲ့ပါတယ်။ အစီအစဉ် ပထမပိုင်းအဖြစ် Facebook သူငယ်ချင်းတွေဆီက ပို့စ်တွေကို ပိုမို မြင်တွေ့နိုင်ဖို့ ကုန်အမှတ်တံဆိပ်တွေရဲ့ content တွေကို လျှော့ချပေးပြီး အဓိပ္ပာယ်ရှိတဲ့ ပို့စ်တွေမြင်တွေ့လာနိုင်အောင် algorithm တွေကို Facebook က ပြောင်းလဲခဲ့ပါတယ်။ အခုအပြောင်းအလဲကြောင့် Facebook သုံးစွဲသူတွေရဲ့ news feed တွေမှာ ကုန်အမှတ်တံဆိပ်သတင်းတွေ၊ ဓာတ်ပုံတွေနဲ့ ဗီဒီယိုတွေဟာ လေးရာခိုင်နှုန်းအထိပဲ နေရာယူထားမယ်လို့ ဇူကာဘတ်က ရှင်းပြခဲ့ပါတယ်။ လက်ရှိမှာတော့ အဲဒီအရာတွေဟာ feed တွေမှာ ငါးရာခိုင်နှုန်းအထိ နေရာယူထားပါတယ်။

အခုအပြောင်းအလဲတွေဟာ လေးရာခိုင်နှုန်းထက်ကျော်လွန်တဲ့ content တွေအားလုံးအပေါ် သက်ရောက်မှု မရှိသလို Facebook သုံးစွဲသူတွေ မြင်တွေ့လိုတဲ့အရာကိုပဲ တွေ့ရမှာ ဖြစ်တယ်လို့ ဇူကာဘတ်က ရှင်းပြခဲ့ပါတယ်။

စိုးထက်
Ref: TheVerge