ပညာရေးဝန်ကြီးဌာန ဝန်ဆောင်မှုများကို Data Center တွင် Cloud Hosting ပြုလုပ်

ပညာရေးဝန်ကြီးဌာန ဝန်ဆောင်မှုများအား Data Center တွင် Cloud Hosting ပြုလုပ်နေတယ်လို့ သိရပါတယ်။

ပညာရေးဝန်ကြီးဌာန၊ စက်မှုနည်းပညာ မြှင့်တင်ရေးနှင့် ပူးပေါင်းဆောင်ရွက်ရေး ဦးစီးဌာန၊ အီလက်ထရောနစ် အုပ်ချုပ်ရေးစနစ်နှင့် အိုင်စီတီနည်းပညာ ပူးပေါင်းဆောင်ရွက်ရေး ဌာနကဆောင်ရွက်လျက်ရှိတာလို့ ဆိုပါတယ်။ ပညာရေးဝန်ကြီးဌာနရဲ့ အွန်လိုင်း ဝန်ဆောင်မှု စနစ်တွေကို ဝန်ကြီးဌာနပိုင် Data Center မှာ Cloud Hosting ပြုလုပ်ပေးခြင်း ဆောင်ရွက်နေတာလို့ ဆိုပါတယ်။

အခြားဆောင်ရွက်နေတဲ့ လုပ်ငန်းတွေကတော့ ICT Capacity မြှင့်တင်ရေးဆိုင်ရာ သင်တန်းတွေ ဖွင့်လှစ်ပို့ချပေးခြင်း၊ ICT Infrastructure ပြည့်စုံအောင် တည်ဆောက်ရေး လုပ်ငန်းတွေမှာ နည်းပညာ အထောက်အပံ့တွေပေးခြင်းတို့ ဆောင်ရွက်နေတယ်လို့ ဆိုပါတယ်။ ဒါ့အပြင် လိုအပ်ချက်နဲ့ ကိုက်ညီတဲ့ e-Government ဆိုင်ရာ အထောက်အကူပြု သင်တန်းတွေ ဖွင့်လှစ်ပေးတာမျိုးလည်း ဆောင်ရွက်နေတယ်လို့ ဆိုပါတယ်။ လက်ရှိမှာ အွန်လိုင်းဝန်ဆောင်မှု စနစ်တွေကို ဆောင်ရွက်နေပြီး ဘွဲ့လက်မှတ်တွေကို မှန်ကန်မှုရှိမရှိ စစ်ဆေးအတည်ပြု ပေးနိုင်တဲ့စနစ်၊ e-book တွေ မျှဝေအသုံးပြုနိုင်တဲ့စနစ်၊ တက္ကသိုလ်၊ ကောလိပ်၊ သိပ္ပံ ကျောင်းတွေရဲ့ တည်နေရာနဲ့ ကျောင်းဆိုင်ရာ အချက်အလက်တွေကို ကြည့်ရှုနိုင်တဲ့စနစ် စတာတွေပါဝင်ပါတယ်။

ဒါ့အပြင် ပညာရေးဝန်ကြီးဌာနရဲ့ အဆင်မြင့် အရာရှိကြီးတွေနဲ့ ရုံးလုပ်ငန်းတွေမှာ အသုံးပြုနိုင်တဲ့ ဝန်ကြီးဌာနပိုင် email စနစ်၊ ဝန်ထမ်းတွေရဲ့ အချက်အလက် အပြည့်အစုံကို လိုအပ်သလို ရှာဖွေအသုံးပြုနိုင်တဲ့စနစ် စတာတွေလည်း ပါဝင်တယ်လို့ သိရပါတယ်။

-ထွန်းထွန်း