ပညာရေးတက္ကသိုလ် အခန်းကဏ္ဍသည် အလွန်အရေးကြီးကြောင်း ပညာရေးဝန်ကြီးဌာန၊ ပြည်ထောင်စု ဝန်ကြီးပြောကြား

ပညာရေးပြုပြင်ပြောင်းလဲခြင်းနဲ့ အရည်အသွေးပြည့်ဝသော ပညာရေးကို ဖော်ဆောင်ရာတွင် ပညာရေးတက္ကသိုလ် အခန်းကဏ္ဍသည် အလွန်အရေးကြီးကြောင်း ဒီဇင်ဘာလ ၂၉ ရက်က ပညာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာမျိုးသိမ်းကြီးက စစ်ကိုင်းပညာရေးတက္ကသိုလ် ဆရာ၊ ဆရာမများ၊ ကျောင်းသား၊ ကျောင်းသူတွေနဲ့ တွေ့ဆုံစဉ်မှာပြောကြားခဲ့ပါတယ်။

ပညာရေးပြုပြင်ပြောင်းလဲခြင်းနဲ့ အရည်အသွေးပြည့်ဝတဲ့ ပညာရေးဖော်ဆောင်ရာမှာ ကျောင်းနေနှုန်းမြင့်မားရေး၊ ကျောင်းထွက်သူ မရှိရေး၊ ပညာသင်ယူတတ်မြောက်မှု အရည်အသွေး ပြည့်ဝရေးတို့ဟာ အရေးကြီးတဲ့အတွက် မည်သည့်ခွဲခြားမှုမျှမရှိဘဲ မူလတန်းကျောင်းနေ အရွယ်အားလုံး မူလတန်းပညာသင်ယူ ပြီးမြောက်ရေးကို အလေးထား အကောင်အထည်ဖော်နေကြောင်း၊ Grade1, Grade2, Grade3 ကျောင်းသား ကျောင်းသူအားလုံးကို ဆရာ၊ ဆရာမများက စာဖတ်နိုင်ရန် စာရေးနိုင်ရန် အခြေခံသင်္ချာတွက်နိုင်ရန် သင်ကြား၊ သင်ယူလေ့ကျင့်ပေးပါက တစ်သက်လုံးအတွက် စာရေးနိုင်စာဖတ်နိုင် တွက်ချက်နိုင်မှာဖြစ်ကြောင်း ပြောကြားခဲ့ပါတယ်။

ဆက်လက်ပြီး အရည်အချင်းရှိတဲ့ B.Ed ဘွဲ့ရ ဆရာ၊ ဆရာမများ မွေးထုတ်နိုင်ရေးအတွက်လည်း တက္ကသိုလ် ဆရာ၊ ဆရာမများအနေနဲ့ အထူးပြုဘာသာရပ် ကျွမ်းကျင်မှုအပြင် အင်္ဂလိပ်စာ၊ ICT အရည်အသွေးများ တိုးတက်ဆောင်ရွက်ကြရန်နဲ့ စာများများဖတ်ပြီး သုတေသနစာတမ်း၊ သုတေသနလုပ်ငန်းများ၊ ထိရောက်အကျိုးရှိအောင် ဆောင်ရွက်ကြရန်လိုကြောင်း သင်တန်းတက်နေတဲ့ ကျောင်းသား၊ ကျောင်းသူ၊ ဆရာ၊ ဆရာမတွေ အနေနဲ့လည်း ဘွဲ့ရတဲ့အခါ ကိုယ်တာဝန်ကျရာကျောင်းမှ ကျောင်းသား၊ ကျောင်းသူတွေကို လူသားကောင်းများ ဖြစ်အောင်၊ အများနှင့် ပူးပေါင်းဆောင်ရွက်တတ်အောင်၊ တာဝန်ယူ၊ တာဝန်ခံဆောင်ရွက်တတ်အောင်၊ တီထွင်ကြံဆနိုင်စွမ်းရှိတဲ့ လူငယ်များဖြစ်အောင် ပြုစုပျိုးထောင်ပေးကြရမှာ ဖြစ်ကြောင်းကို ပြောကြားခဲ့တယ်လို့ သိရပါတယ်။

-ဝေဝေ