ပင်စင်လစာများအား Wave Money ဖြင့် ထုတ်ယူနိုင်ရန် စီစဉ်

ပင်စင်လစာတွေကို ဘဏ်တွေဆီမှာ သွားရောက်ထုတ်ယူစရာ မလိုဘဲ Wave Money နဲ့ထုတ်ယူနိုင်အောင် ဆောင်ရွက်မယ်လို့ သိရပါတယ်။

နိုင်ငံ့ဝန်ထမ်းဟောင်း အငြိမ်းစားတွေအနေနဲ့ မြန်မာ့စီးပွားရေး ဘဏ်ခွဲတွေမှာ လစဉ်ပင်စင်သွားရောက် ထုတ်ယူစရာ မလိုတော့ဘူးလို့ ဆိုပါတယ်။ လက်ရှိမှာ အဲဒီဝန်ဆောင်မှုတွေကို မြောက်ဒဂုံမြို့နယ်မှာရှိတဲ့ မြန်မာ့စီးပွားရေးဘဏ်ခွဲမှာ ထုတ်ယူနေတဲ့ ပင်စင်စားတွေ ဆောင်ရွက်နိုင်ပြီလို့ သိရပါတယ်။ ဆက်လက်ပြီး နောက်လတွေမှာ အခြားမြို့နယ်တွေကို တိုးချဲ့သွားမယ်လို့ Wave Money က သတင်းထုတ် ပြန်ပါတယ်။

“ဒီလိုဆောင်ရွက်လိုက်တဲ့ အတွက်ကြောင့် မြန်မာ့စီးပွားရေး ဘဏ်ဝန်ထမ်းတွေအနေနဲ့ ပင်စင်လစာ ထုတ်ပေးတဲ့ လုပ်ငန်းစဉ်တွေကို သိသိသာသာ လျှော့ချနိုင်မှာ ဖြစ်ပါတယ်” လို့ မြောက်ဒဂုံ မြို့နယ်မှာရှိတဲ့ မြန်မာ့စီးပွားရေးဘဏ်ရဲ့ မြို့နယ်မန်နေဂျာဖြစ်သူ ဦးခင်မောင်ဝင်းက ပြောပါတယ်။ Wave Money အနေနဲ့ အဲဒီဝန်ဆောင်မှုကို ပင်စင်စားတွေ ပိုမိုအသုံးပြုနိုင်စေဖို့အတွက် ပင်စင်လစာ ထုတ်ယူတဲ့ ဝန်ဆောင်ကြေး ကင်းလွတ်ခွင့်ကို တစ်လလျှင်နှစ်ကြိမ်အထိ သတ်မှတ်ပေးထားတယ်လို့ ဆိုပါတယ်။

နိုင်ငံ့ဝန်ထမ်းဟောင်း ပင်စင်စားတွေအနေနဲ့ e-pension card ကိုအသုံးပြုပြီး ပင်စင်ထုတ်နိုင်အောင်လည်း ဆောင်ရွက်ထားတယ်လို့ သိရပါတယ်။

-ထွန်းထွန်း