ဒီဇင်ဘာ ၁၀ ရက် မိတ်ဆက်မယ့် Reno5 စီးရီးဖုန်း

OPPO ကတော့ ကောလာဟလထွက်နေတဲ့ Reno5 စီးရီးကို ဒီဇင်ဘာ ၁၀ ရက်မှာ မိတ်ဆက်မယ်လို့ ကြေညာခဲ့ပါတယ်။ ဒီဇင်ဘာ ၁၀ ရက်မှာ မိတ်ဆက်မယ့် Reno5 ဖုန်း Diamond Glow စီးရီး ပွဲထွက်လာမယ်လို့ အမြည်း ဗီဒီယိုမှာ ဖော်ပြခဲ့ပါတယ်။

အခုအခါမှာလည်း OPPO က Reno5 စီးရီးဖုန်း ဒီဇိုင်းနဲ့ အချက်အလက်အချို့ကို အတည်ပြုခဲ့ပါတယ်။ ပုံတွေကိုတော့ OPPO တရားဝင်ဝက်ဘ်ဆိုက်မှာ ဖော်ပြထားပါတယ်။ Reno5 စီးရီးမှာ Reno5 5G, Reno5 Pro 5G နဲ့ Reno5 Pro+ 5G ဖုန်းတွေပါဝင်လာပါတယ်။ OPPO ကတော့ ဝက်ဘ်ဆိုက်ထဲမှာ Reno 5 နဲ့ Pro မော်ဒယ်ကိုပဲ ထည့်ထားပါတယ်။

Reno5 5G နဲ့ Reno5 Pro 5G ဖုန်းကျောဘက်မှာ 64MP ကင်မရာ ၄ လုံးနဲ့ punch hole ပါတဲ့ display အသုံးပြုထားပါတယ်။ ပုံမှန်မော်ဒယ်မှာ flat မျက်နှာပြင်နဲ့ Pro မှာတော့ မျက်နှာပြင်ကွေး သုံးထားတယ်။စမတ်ဖုန်း ၂ မျိုးစလုံးက‌တော့ 65W အထိ အားသွင်းနိုင်ပြီး ဘက်ထရီပမာဏကိုတော့ OPPO ကမပြောသေးပါဘူး။

OPPO အနေနဲ့ Reno5 ဖုန်း ၂ မျိုးကို JD.com ကနေ ကြိုတင်မှာယူနိုင်ပြီလို့လည်း အတည်ပြုခဲ့ပါတယ်။ Reno 5 ဖုန်းတွေက 8GB/128GB နဲ့ 12GB/256GB မော်ဒယ်၂ မျိုး ထွက်လာပါမယ်။

 

-စိုးထက်
Ref: GSMArena

»»» အင်တာနက်ဂျာနယ်ကတင်ဆက်နေတာတွေကို Internet Journal Messenger Bot ဖြစ် ဒီနေရာ ကနေလည်းရယူဖတ်ရှုနိုင်ပါတယ် «««