တ႐ုတ္ e-commerce ကုမၸဏီႀကီး JD.com မွာ ေဒၚလာ သန္း ၅၅၀ ရင္းႏွီးျမွဳပ္ႏွံမယ့္ Google

အေမရိကန္ အင္တာနက္ကုမၸဏီႀကီး Google ဟာ အလ်င္အျမန္တိုးတက္ေနတဲ့ အာရွေစ်းကြက္ကို ခ်ဲ႕ထြင္ဖို႔နဲ႔ Amazon.com အပါအဝင္ ၿပိဳင္ဘက္ေတြနဲ႔ ယွဥ္ၿပိဳင္ႏိုင္ဖို႔အတြက္ ႀကိဳးပမ္းအားထုတ္မႈ တစ္စိတ္တစ္ပိုင္းအျဖစ္ တ႐ုတ္ e-commerce ကုမၸဏီႀကီး JD.comမွာ ေဒၚလာ သန္း ၅၅၀ ရင္းႏွီးျမႇဳပ္ႏွံသြားမွာ ျဖစ္ပါတယ္။

အဆိုပါ ရင္းႏွီးျမႇဳပ္ႏွံမႈဟာ က်ယ္ေျပာတဲ့ ပူးေပါင္းေဆာင္ရြက္မႈ တစ္ခုျဖစ္ၿပီး Google ရဲ႕ ေစ်းဝယ္ဝန္ေဆာင္မႈေပၚမွာ JD.com ထုတ္ကုန္ေတြကို ေရာင္းခ်သြားမယ့္ အစီအစဥ္ ပါဝင္မွာျဖစ္တယ္လို႔ ကုမၸဏီႏွစ္ခုစလံုးက ေျပာၾကားခဲ့ပါတယ္။ ဒါဟာ JD.com က တ႐ုတ္နဲ႔ အေရွ႕ေတာင္အာရွကေန ခ်ဲ႕ထြင္ဖို႔နဲ႔ အေမရိကန္နဲ႔ ဥေရာပေစ်းကြက္ေတြမွာ အဓိပၸာယ္ရိွစြာ ရပ္တည္ဖို႔အတြက္ အေထာက္အကူ ျဖစ္ေစႏိုင္ပါတယ္။

JD.com ရဲ႕ ရင္းႏွီးျမႇဳပ္ႏံွသူေတြထဲမွာ တ႐ုတ္လူမႈမီဒီယာ ကုမၸဏီႀကီး Tencent Holding Ltd, တ႐ုတ္ e-commerce မွာ ဦးေဆာင္ေနတဲ့ Alibaba Group Holding Ltd နဲ႔ Walmart Inc တို႔ ပါဝင္ပါတယ္။ ဒါ့အျပင္ ျပင္သစ္ လက္လီအေရာင္းကုမၸဏီႀကီး Carrefour SA နဲ႔လည္း ပူးေပါင္းေဆာင္ရြက္သြားမွာ ျဖစ္ပါတယ္။

Google ဟာ အလယ္အလတ္ လူတန္းစား တစ္ဟုန္ထိုးျမင့္တက္ေနၿပီး လက္လီအေရာင္း၊ ဘ႑ာေရးနဲ႔ အျခားနယ္ပယ္ေတြမွာ အေျခခံအေဆာက္အအံုတစ္ခု မရိွတဲ့ အာရွတစ္ဝန္းမွာ ရင္းႏွီးျမွဳပ္ႏွံမႈေတြ လုပ္ေဆာင္ေနပါတယ္။ Google ဟာ အင္ဒိုနီးရွား အငွားယာဥ္ဝန္ေဆာင္မႈကုမၸဏီ Go-Jek မွာလည္း မၾကာေသးခင္က ရင္းႏွီးျမႇဳပ္ႏွံမႈေတြ ျပဳလုပ္ခဲ့သလို အိႏၵိယ e-commerce ကုမၸဏီႀကီး Flipkart မွာလည္း ရင္းႏွီးျမႇဳပ္ႏွံသြားဖြယ္ရိွတယ္လို႔ Reuters က ေဖာ္ျပခဲ့ပါတယ္။

-ေနာင္ေနာင္
Ref: Reuters

အမေရိကန် အင်တာနက်ကုမ္ပဏီကြီး Google ဟာ အလျင်အမြန်တိုးတက်နေတဲ့ အာရှစျေးကွက်ကို ချဲ့ထွင်ဖို့နဲ့ Amazon.com အပါအဝင် ပြိုင်ဘက်တွေနဲ့ ယှဉ်ပြိုင်နိုင်ဖို့အတွက် ကြိုးပမ်းအားထုတ်မှု တစ်စိတ်တစ်ပိုင်းအဖြစ် တရုတ် e-commerce ကုမ္ပဏီကြီး JD.com မှာ ဒေါ်လာ သန်း ၅၅၀ ရင်းနှီးမြှုပ်နှံသွားမှာ ဖြစ်ပါတယ်။

အဆိုပါ ရင်းနှီးမြှုပ်နှံမှုဟာ ကျယ်ပြောတဲ့ ပူးပေါင်းဆောင်ရွက်မှု တစ်ခုဖြစ်ပြီး Google ရဲ့ စျေးဝယ်ဝန်ဆောင်မှုပေါ်မှာ JD.com ထုတ်ကုန်တွေကို ရောင်းချသွားမယ့် အစီအစဉ် ပါဝင်မှာဖြစ်တယ်လို့ ကုမ္ပဏီနှစ်ခုစလုံးက ပြောကြားခဲ့ပါတယ်။ ဒါဟာ JD.com က တရုတ်နဲ့ အရှေ့တောင်အာရှကနေ ချဲ့ထွင်ဖို့နဲ့ အမေရိကန်နဲ့ ဥရောပစျေးကွက်တွေမှာ အဓိပ္ပာယ်ရှိစွာ ရပ်တည်ဖို့အတွက် အထောက်အကူ ဖြစ်စေနိုင်ပါတယ်။

JD.com ရဲ့ ရင်းနှီးမြှုပ်နှံသူတွေထဲမှာ တရုတ်လူမှုမီဒီယာ ကုမ္ပဏီကြီး Tencent Holding Ltd, တရုတ် e-commerce မှာ ဦးဆောင်နေတဲ့ Alibaba Group Holding Ltd နဲ့ Walmart Inc တို့ ပါဝင်ပါတယ်။ ဒါ့အပြင် ပြင်သစ် လက်လီအရောင်းကုမ္ပဏီကြီး Carrefour SA နဲ့လည်း ပူးပေါင်းဆောင်ရွက်သွားမှာ ဖြစ်ပါတယ်။

Google ဟာ အလယ်အလတ် လူတန်းစား တစ်ဟုန်ထိုးမြင့်တက်နေပြီး လက်လီအရောင်း၊ ဘဏ္ဍာရေးနဲ့ အခြားနယ်ပယ်တွေမှာ အခြေခံအဆောက်အအုံတစ်ခု မရှိတဲ့ အာရှတစ်ဝန်းမှာ ရင်းနှီးမြှုပ်နှံမှုတွေ လုပ်ဆောင်နေပါတယ်။ Google ဟာ အင်ဒိုနီးရှား အငှားယာဉ်ဝန်ဆောင်မှုကုမ္ပဏီ Go-Jek မှာလည်း မကြာသေးခင်က ရင်းနှီးမြှုပ်နှံမှုတွေ ပြုလုပ်ခဲ့သလို အိန္ဒိယ e-commerce ကုမ္ပဏီကြီး Flipkart မှာလည်း ရင်းနှီးမြှုပ်နှံသွားဖွယ်ရှိတယ်လို့ Reuters က ဖော်ပြခဲ့ပါတယ်။

-နောင်နောင်
Ref: Reuters