ဆိုက်ဘာနှင့်ပတ်သက်၍ ပြည်ပအဖွဲ့အစည်းများနှင့်ပါ ပူးပေါင်းဆောင်ရွက်လျက်ရှိ

ဆိုက်ဘာနဲ့ပတ်သက်လာရင် ပြည်ပအဖွဲ့အစည်းတွေနဲ့ပါ ပူးပေါင်းဆောင်ရွက်လျက်ရှိတယ်လို့ အောက်တိုဘာ ၂၅ ရက်က နေပြည်တော်မှာကျင်းပခဲ့တဲ့ Cyber Space ဆွေးနွေးပွဲကနေ သိရပါတယ်။

မိတ်ဖက်ဝန်ကြီးဌာနတွေ၊ ပြင်ပနည်းပညာအဖွဲ့အစည်းတွေနဲ့ မြန်မာနိုင်ငံကွန်ပျုတာအသင်းချုပ်တို့ ပူးပေါင်း ဆောင်ရွက်လျက်ရှိကြောင်းနဲ့ ပြည်ပအဖွဲ့အစည်းတွေဖြစ်တဲ့ INTERPOL, ASEANPOL နဲ့ UNODC အဖွဲ့တွေနဲ့ပါ ပူးပေါင်းဆောင်ရွက်လျက်ရှိကြောင်း ပြည်ထဲရေးဝန်ကြီးဌာနမှ ဒုတိယရဲမှူးကြီး မိုးအောင်က ပြောကြားခဲ့ပါတယ်။ နည်းပညာထွန်းကားလာတာနဲ့အမျှ နိုင်ငံအတွင်းမှာ ကြုံ တွေ့နေရတဲ့ ဆိုက်ဘာမှုခင်းအခြေအနေတွေနဲ့ ကြိုတင်ကာကွယ်မှုနည်းလမ်းတွေကို သိရှိနားလည်ဖို့လိုအပ်ကြောင်း ဆိုပါတယ်။

ဌာနရဲ့လုပ်ငန်းတာဝန်တွေအနေနဲ့ ဆိုက်ဘာလုံခြုံရေးဆောင်ရွက်ခြင်း၊ Internet ကိုစောင့်ကြပ်ထိန်းသိမ်းခြင်း၊ Cybercrime ဆိုင်ရာကြိုတင်ကာကွယ်ရေးဆောင်ရွက်ခြင်း၊၊ ဆိုက်ဘာတိုက်ခိုက်မှုတွေကို တုံ့ပြန်ဆောင်ရွက်ခြင်း၊ ဆိုက်ဘာမှုခင်းတွေကိုစုံစမ်းဆောင်ရွက်ခြင်း၊ ဆိုက်ဘာမှုခင်းဆိုင်ရာ သက်သေခံပစ္စည်းတွေစစ်ဆေးဆောင်ရွက်ခြင်း၊ လောင်းကစားမှုတွေနဲ့ ပတ်သက်ပြီး လုပ်ဆောင်နေသူရဲ့ ဘဏ်အကောင့်တွေသိရှိစေဖို့ ဆောင်ရွက်ခြင်းတို့ ပြုလုပ်နေကြောင်း ဆက်လက်ပြောကြားခဲ့တယ်လို့ သတင်းထုတ်ပြန်ချက်အရ သိရပါတယ်။