ဆိုက်ဘာလုံခြုံရေး အဖွဲ့အစည်းကနည်းပညာအပေါ်မှီခိုခြင်းအပေါ်မူတည်

ဆိုက်ဘာလုံခြုံရေးက နည်းပညာခေတ်မှာ ဘယ်လောက်အတိုင်းအတာအထိ အရေးပါသလဲဆိုရင် အဖွဲ့အစည်းက နည်းပညာအပေါ် ဘယ်လို ဘယ်လောက် အတိုင်းအတာထိ မှီခိုမှုရှိလဲ ဆိုတာ အပေါ် မူတည်တယ်လို့ ဆိုက်ဘာလုံခြုံရေး ကျွမ်းကျင်သူ ဦးရဲသူရသက်က ပြောပါတယ်။

“ဥပမာ – အလုပ်သမား(၃)ထောင်ရှိတယ်။ Email users (၅၀) ရှိတယ်။ website တခုရှိမယ်။ company site ကို (၁)လ မှာ လူ (၁၅) ယောက် လာကြည့်တယ်ဆိုရင် ဒီ site အတွက် လုံခြုံရေးက ပြောပလောက်အောင် အရေးပါချင်မှ ပါလိမ့်မယ်။ နောက် ဥပမာ – အလုပ်သမား (၁၂) ယောက်ရှိမယ်။ Online user (၃) သိန်း ရှိတဲ့ mobile application ကို တာဝန်ယူတဲ့ အဖွဲ့အစည်းဆိုရင် cyber security ဟာ အရေးပါလိမ့်မယ်။ အဲ့ဒီ အဖွဲ့အစည်း ဒါမှမဟုတ် mobile application ရဲ့ လုံခြုံရေးချိုးဖောက်ခံရမှု (Cyber Intrusion) ဖြစ်ပြီဆိုရင် အဖွဲ့အစည်းအပြင် သူဝန်ဆောင်မှုပေးထားတဲ့ သုံးစွဲသူ user (၃)သိန်းတို့ပါ ထိခိုက်မှု ရှိလာနိုင်ပါတယ်” လို့ သူက ရှင်းပြပါတယ်။

မြန်မာနိုင်ငံအပါအဝင် တစ်ကမ္ဘာလုံးမှာ ဆိုက်ဘာလုံခြုံရေးက ပိုမိုအရေးပါလာပြီဖြစ်တယ်လို့ သိရပါတယ်။ Microsoft ကဲ့သို့သော အဖွဲ့အစည်းကလည်း မြန်မာနိုင်ငံ အတွင်းမှာရှိတဲ့ ပုဂ္ဂလိကနဲ့ ပြည်သူပိုင် အဖွဲ့ အစည်းအားလုံးကို သူတို့ရဲ့ အင်တာနက် လုံခြုံရေးအကြောင်း ပိုမိုစဉ်းစားရန် တိုက်တွန်းထားပါတယ်။

-ထွန်းထွန်း