ဆိုက်ဘာလုံခြုံရေးနှင့် ပတ်သက်၍ အထွေထွေ

ဆိုက်ဘာလုံခြုံရေးဦးစီးဌာနက လက်ရှိဘာတွေဆောင်ရွက်နေသလဲ

ဦးရဲနိုင်မိုး (ညွှန်ကြားရေးမှူုး၊ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ သတင်းအချက်အလက် နည်းပညာနှင့် ဆိုက်ဘာလုံခြုံရေး ဦးစီးဌာန)

ပြည်သူတွေကို ပညာပေးတဲ့ အစီအစဉ်တွေကို လုပ်နေတယ်၊ မြန်မာ့အသံမှာ 3D Animation နဲ့ပတ်သက်ပြီးတော့ ဆိုက်ဘာလုံခြုံရေးနဲ့ ပတ်သက်ပြီးတော့ သိရှိသင့်တဲ့ အချက်အလက်တွေကို ထုတ်ပြန်ခဲ့တာတွေ ရှိပါတယ်။ ကာတွန်းစာအုပ်တွေကို ကျွန်တော်တို့ ဖြန့်ဝေပါတယ်။ ပြီးတော့ လူငယ်တွေကြားထဲမှာ ဆိုက်ဘာလုံခြုံရေးနဲ့ ပတ်သက်ပြီးတော့ စိတ်ဝင်စားမှုတွေပိုလာအောင် ပြိုင်ပွဲလေးတွေ လုပ်ပေးပါတယ်။ ပြိုင်ပွဲနှစ်ကြိမ် လုပ်ပြီးပါပြီ။ ပထမတစ်ကြိမ်ကို ကျွန်တော်တို့ ၂၀၁၅ မှာလုပ်ပြီးတော့ အင်ဒိုနီးရှားနိုင်ငံကို အနိုင်ရတဲ့အသင်းကို စေလွှတ်ပြီးတော့ အာဆီယံနိုင်ငံအချင်းချင်း ယှဉ်ပြိုင်ခဲ့ပါတယ်။ အခုထိုင်းနိုင်ငံကို စေလွှတ်ဖို့ရှိပါတယ်။ ထိုင်းမှာလည်း အာဆီယံနိုင်ငံအချင်းချင်း ဆိုက်ဘာဂိမ်းတွေကို ယှဉ်ပြိုင်ရမှာပါ။ ကျွန်တော်တို့ဌာနအနေနဲ့ နိုင်ငံတကာ ပူးပေါင်းဆောင်ရွက်မှုတွေ ရှိပါတယ်၊ အာဆီယံ၊ ဂျပန်စတဲ့ အဖွဲ့အစည်းတွေပေါ့၊ အဖွဲ့ဝင်အနေနဲ့ ပါဝင်ထားပြီးတော့ ပူးပေါင်းပါဝင် လှုပ်ရှားနေတယ်။

ပြည်တွင်းဆိုက်ဘာတိုက်ခိုက်မှုများကြုံရင် ဘယ်ကိုဆက်သွယ်ရမလဲ

မြန်မာနိုင်ငံရှိ ဝက်ဘ်ဆိုက်များအနေဖြင့် ဆိုက်ဘာတိုက်ခိုက်မှုများ ဖြစ်ပေါ်ပါက နည်းပညာအကူအညီ ရယူနိုင်မည်ဖြစ်ကြောင်း သတင်းထုတ်ပြန် ထားသည်။

mmCert သို့ ဆက်သွယ်နိုင်မည်ဖြစ်သည်။ ဆိုက်ဘာတိုက်ခိုက်မှုများ ဖြစ်ပေါ်ပါက နည်းပညာ အကူအညီရယူရန် mmCert, အမျိုးသား
ဆိုက်ဘာလုံခြုံရေး ဗဟိုဌာန၊ သတင်းအချက်အလက်နှင့် ဆိုက်ဘာလုံခြုံရေးဦးစီးဌာန၊ ဖုန်း ၀၁၆၅၀၈၉၁၊ ၀၆၇၃၄၂၂၆၃၃၊ အီးမေးလ် [email protected] သို့ ဆက်သွယ် အကူအညီတောင်းခံနိုင်ကြောင်း ထုတ်ပြန်ထားသည်။ www.forestdepartment.gov.mm၊ www.dryzonegreening.gov.mm၊ www.tnrpmoecaf.gov.၊ www. surveydepartment.gov.mm၊ www.myanmarchm.gov.mm ဝက်ဘ်ဆိုက်ငါးခုကို Defacement Attack ဖြင့် တိုက်ခိုက်ခံရပြီး သိလျှင် သိချင်းတုံ့ပြန် ဆောင်ရွက်ဖွယ်ရာများကို mmCERT က အကြောင်းကြားခဲ့သဖြင့် ပြန်လည်ပြင်ဆင်နိုင်ခဲ့ကြောင်း သတင်းထုတ်ပြန်ချက်တွင် ဖော်ပြထားခြင်းဖြစ်သည်။

မြန်မာနိုင်ငံတွင် Malware နှင့် တွေ့ကြုံမှုနှုန်း

သြဂုတ်လကုန်က Microsoft Asia Pacific မှ ၎င်းတို့၏ ကမ္ဘာလုံးဆိုင်ရာ လုံခြုံရေးထောက်လှမ်းမှု အစီရင်ခံစာ (Security Intelligence Report – SIR)၊ အတွဲ ၂၂ မှ တွေ့ရှိချက်များကို ထုတ်ပြန်ခဲ့ရာ မြန်မာနိုင်ငံ၏ ဆိုက်ဘာလုံခြုံရေး အကြောင်းအရာလည်း ပါဝင်ခဲ့သည်။ မြန်မာ၊ ဘင်္ဂလားဒေ့ရှ်၊ ကမ္ဘောဒီးယား၊ အင်ဒိုနီးရှားနှင့် ဗီယက်နမ်တို့သည် အာရှပစိဖိတ်ဒေသတွင် Software များမှ တိုက်ခိုက်မှုကို ခုခံနိုင်စွမ်းအနည်းဆုံး နိုင်ငံများဖြစ်ကြောင်း တွေ့ရှိရကြောင်း၊ ၂၀၁၇ ခုနှစ် ဇန်နဝါရီမှ မတ်လအထိ ဆန်းစစ်လေ့လာရာ၌ မြန်မာနိုင်ငံတွင် Malware (ကွန်ပျူတာနှင့် ကွန်ပျူတာစနစ်များကိုနှေးကွေးစေ၊ ပျက်စီးစေသည့် Software တစ်မျိုး) များနှင့် ထိတွေ့မှုမှာ ပျမ်းမျှ ၂၃.၈% ရှိကြောင်း တွေ့ရှိရကြောင်း ယင်းအစီရင်ခံစာတွင်ဖော်ပြထားသည်။ ထိုအစီရင်ခံစာအရ ၂၀၁၇ ခုနှစ်၊ ဇန်နဝါရီမှ မတ်လအတွင်း၊ အာရှပစိဖိတ်ဒေသ အတွင်း၌ မြန်မာ၊ ကမ္ဘောဒီးယား၊ ဗီယက်နမ်၊ အင်ဒိုနီးရှားနှင့် ဘင်္ဂလားဒေ့ရ်ှနိုင်ငံများရှိ Microsoft
၏ တစ်ပြိုင်နက် ဖြေရှင်းပေးနိုင်သည့် လုံခြုံရေးကာကွယ်မှု ထုတ်ကုန်များကို အသုံးပြုနေသော ကွန်ပျူတာလေးလုံးလျှင် တစ်လုံးမှာ Malware နှင့် တွေ့ကြုံခဲ့ကြောင်း သတင်းပို့ခဲ့သည်ဟုဆိုသည်။ ၂၀၁၇ ခုနှစ် ပထမလေးလပတ်အတွင်း မြန်မာနိုင်ငံတွင် Malware နှင့်တွေ့ကြုံမှုနှုန်းမှာ ပျမ်းမျှ ၂၃.၈% ရှိသည်ကိုတွေ့ရကြောင်း၊ ထိုပျမ်းမျှနှုန်းသည် နိုင်ငံတကာတွင် တွေ့ကြုံရမှုပျမ်းမျှနှုန်း ၉ % ထက် နှစ်ဆမကပိုများနေခြင်းဖြစ်ကြောင်း၊ တစ်ဖက်တွင်မူ စင်ကာပူနှင့် နယူးဇီလန်တို့ကဲ့သို့ အာရှပစိဖိတ်တွင် နည်းပညာဖွံ့ဖြိုးမှု မြင့်မားသည့်နိုင်ငံများသည် ကမ္ဘာလုံးဆိုင်ရာ ပျမ်းမျှနှုန်းထက် ပိုကောင်းမွန်အောင် လုပ်ဆောင်ထားနိုင်ကြကြောင်း ဖော်ပြထား
သည်။

“မြန်မာနိုင်ငံဟာ ဒီဂျစ်တယ်နိုင်ငံ တစ်ခုဖြစ်လာဖို့အတွက် လျှောက်လှမ်းလျက်ရှိပါတယ်၊ မြန်မာနိုင်ငံမှာ Office365 နဲ့ပတ်သက်ပြီး စိတ်ပါဝင်စားမှု မြင့်မားတာကို တွေ့ရှိခဲ့ရပြီး ဆိုက်ဘာလုံခြုံရေးဟာ အဖွဲ့အစည်းတွေအနေနဲ့ ဒီဂျစ်တယ်စနစ်သို့ ပြောင်းလဲဖို့အတွက် အရေးပါတဲ့ အကြောင်းရင်းတစ်ခုဖြစ်ပါတယ်၊ SIR အစီရင်ခံစာအရ မြန်မာနိုင်ငံဟာ malware များရဲ့တိုက်ခိုက်မှုကို အခံရနိုင်ဆုံးနိုင်ငံများမှာ ပါဝင်နေပြီး Microsoft က မြန်မာနိုင်ငံအတွင်းမှာရှိတဲ့ ပုဂ္ဂလိကနဲ့ ပြည်သူပိုင်အဖွဲ့အစည်းအားလုံးကို ၎င်းတို့ရဲ့အင်တာနက် လုံခြုံရေးအကြောင်း ပိုမိုစဉ်းစားဖို့ တိုက်တွန်းလိုပါတယ်။ ကုမ္ပဏီများရဲ့ အွန်လိုင်းပိုင်ဆိုင်မှုများနဲ့ အချက်အလက်များကို ဒီဂျစ်တယ်စနစ်သို့ အသွင်ကူးပြောင်းနေချိန်မှာ ကူညီကာကွယ်ပေးမယ့် အဖွဲ့တစ်ခုက ကျွန်မတို့ဆီမှာ အဆင်သင့်ရှိပါတယ်” ဟု Microsoft Asia Pacific မှ Marketing and Operations Lead ဖြစ်သူ Rena Chai ကပြောကြားသည်ဟု သတင်းထုတ်ပြန်ချက်တွင် ဖော်ပြထားသည်။ မြန်မာနိုင်ငံသည် Cloud နည်းပညာနှင့် မိုဘိုင်းစနစ်သုံး ဝန်ဆောင်မှုများကို
ဦးစားပေးသော နိုင်ငံတစ်ခုဖြစ်လာပြီး KBZ Bank၊ Awba စသည့် အဖွဲ့အစည်းများနှင့် အခြားအဖွဲ့အစည်းများသည် ဒီဂျစ်တယ်စနစ်သို့
ပြောင်းလဲလာကြသည့် အနေအထားတွင် ဆိုက်ဘာလုံခြုံရေးသည် မဖြစ်မနေ ဂရုပြုရမည့် ကိစ္စတစ်ရပ်ဖြစ်လာကြောင်း၊ မြန်မာနိုင်ငံတွင် ပြီးခဲ့သည့် ဇန်နဝါရီလက စတင်အသုံးပြုခဲ့သော Microsoft Office365 ကဲ့သို့သော Software များသည် အချက်အလက်နှင့် Cloud လုံခြုံရေးကို လုပ်ဆောင် ပေးသည့်အပြင် အသုံးပြုရမြန်ဆန်မှု၊ ပူးတွဲအသုံးပြုနိုင်မှုနှင့် ကုန်ထုတ်
စွမ်းရည်များ တိုးမြှင့်ပေးနိုင်ကြောင်း ယင်းတို့ကဆိုထားသည်။

Microsoft ၏အစီရင်ခံစာတွင် သီးခြားဈေးကွက် ၁၀၀ ကျော်မှ Cloud ကို ထိခိုက်စေသော အချက်အလက်နှင့် ဖြစ်ရပ်ပုံစံများအပြင် အဆုံးသတ်အမှတ်များကို ခြေရာခံပေးထားခြင်းဖြစ်သည်။ ၎င်းတွင်အဖွဲ့အစည်းများအနေဖြင့် တိုက်ခိုက်မှုများကို ပိုမိုကောင်းမွန်စွာကာကွယ်နိုင်ရန်၊ ထောက်လှမ်းသိရှိနိုင်ရန်နှင့် ပြန်လည်တုံ့ပြန်နိုင်ရန်အတွက် အကောင်းဆုံး လုပ်ဆောင်မှုပုံစံများနှင့် ဖြေရှင်းမှုများကိုလည်း မျှဝေပေးထားကြောင်း ဆိုသည်။

Malware တိုက်ခိုက်မှုကြောင့် ထိခိုက်နိုင်မှုအမြင့်မားဆုံး အာရှ-ပစိဖိတ်နိုင်ငံများ

1. ဘင်္ဂလားဒေ့ရှ်
2. ကမ္ဘောဒီးယား
3. အင်ဒိုနီးရှား
4. မြန်မာ၊ ဗီယက်နမ်
5. နီပေါ
6. ထိုင်း
7. ဖိလစ်ပိုင်
8. သီရိလင်္ကာ
9. မလေးရှား
10. ကိုရီးယား
11. စင်ကာပူ
12. နယူးဇီလန်

သင့်၏ကွန်ပျူတာမှာ Virusကူးစက်ခံရကြောင်းဘယ်လိုသိနိုင်သလဲ

– သာမန်ထက်ပိုနှေးပြီး အပြောင်းအလဲမရှိစွာ run နေခြင်း။

– တုံ့ပြန်မှုနှေးခြင်း သို့မဟုတ် မကြာခဏ lock ကျခြင်း။

– မိနစ်အနည်းငယ်တိုင်း restart ကျခြင်းနှင့် crash ဖြစ်ခြင်း။

– Auto restart ကျပြီး window ပြန်မတက်လာနိုင်ခြင်း။

– Application များ မှန်ကန်စွာအလုပ်မလုပ်ခြင်း။

– Print ထုတ်ခြင်းကို မှန်ကန်စွာမပြုလုပ်နိုင်ခြင်း။

– တစ်မူထူးခြားသော errormessage များတွေ့ခြင်း။ ထူးခြားကွဲပြားသော menu နှင့် dialog box များတွေ့ခြင်းတို့ဖြစ်ပါတယ်။

– Folder တစ်ကိုဖွင့်လိုက်တိုင်း တခြားနေရာ (သို့) My Document Folder သို့ ရောက်ရောက်သွားခြင်း။

– Run box တွင် regeditcmd ရိုက်သော်လည်း registry editor တက်မလာတော့ခြင်း။

– Control panel တွင် Folder Options မတွေ့ရတော့ခြင်း

– Task Manager ဖွင့်မရခြင်း။

– C:\ အောက်တွင် Folder name ၌ .exe များကပ်နေခြင်း။

– Dics သို့မဟုတ် disc drive များ အသုံးပြုလို့မရခြင်း။

Virus မကျရောက်အောင် တားဆီးကာကွယ်ရန်အချက်များ

– အင်တာနက်အသုံးပြုလျှင် Window Personal firewall ကို အသုံးပြုရန်လိုအပ်ပါသည်။

– Window OS ဖြစ်ပါက Microsoft site သို့သွား၍ update လုပ်ခြင်း (သို့) automatics updates လုပ်သင့်ပါသည်။

– Antivirus Software တွေကိုအသုံးပြုမယ်ဆိုရင် License Version ကိုသုံးသင့်ပါတယ်။

– Antivirus Software Version အသစ်များထွက်လျှင်လည်း လိုက်ပြီး မိမိ Antivirus Software ကို Upgrade လုပ်သင့်ပါတယ်။

– Antivirus Software များကို License Version များဖြင့် ဝယ်ယူအသုံးပြုသော်လည်း အမြဲ Update လုပ်သင့်ပါတယ်။

– တချို့ Antivirus Software များ၏ကောင်းကွက်များမှာ တစ်ခုနှင့်တစ်ခုတူချင်မှတူပါလိမ့်မည်။ နမူနာအားဖြင့် “Antivirus” မှာ Bit
Defender မှာစစ်လိုက်လို့ လွတ်ထွက်သွားမယ်ဆိုရင် Kaspersky နဲ့ စစ်တဲ့အခါမှာ မိနေတတ်ပါတယ်။

– မိမိရဲ့စက်မှာ “Offline” နဲ့အသုံးပြုရင်တောင် Update File တွေကို အမြဲတမ်း Download ချခြင်း သို့မဟုတ် Software ဆိုင်တွေမှာ ဝယ်ယူခြင်းဖြင့် Update လုပ်သင့်ပါတယ်။

– External Drive များ USB Flash Drive များကို မိမိကွန်ပျူတာ ချိတ်ဆက်လျှင် Scan အရင်ဖတ်သင့်ပါတယ်။

ကိုးကား- မြန်မာနိုင်ငံ ကွန်ပျူတာအရေးပေါ်တုံ့ပြန်ရေးအဖွဲ့