ဆိုက်ဘာလုံခြုံရေးပြိုင်ပွဲ တွဲဖက်အဖွဲ့ဝင်မရှိပါက ဆက်သွယ်နိုင်

ဆိုက်ဘာလုံခြုံရေးပြိုင်ပွဲမှာ အဖွဲ့လိုက်ပါဝင် ယှဉ်ပြိုင်ရမှာဆိုပေမယ့် တွဲဖက်အဖွဲ့ဝင် မရှိရင်လည်း ပါဝင်နိုင်တယ်လို့ သိရပါတယ်။

Myanmar Cyber Security Challenge 2018 ပြိုင်ပွဲကို လာမယ့်ဇန်နဝါရီလ ၂၅ ရက်နေ့မှာ ကျင်းပမှာဖြစ်ပါတယ်။ အဖွဲ့တစ်ဖွဲ့မှာ သုံးဦးစီ ပါဝင်ရမှာဖြစ်လို့ ယှဉ်ပြိုင်ဖို့ စိတ်ဝင်စားပေမယ့် တွဲဖက်အဖွဲ့ဝင် မရှိပါက mmCERT page သို့ message ပေးပို့ပြီးသော်လည်းကောင်း၊ MCF ၀၁-၆၅၂၃၀၇၊ ၀၁-၂၃၀၅၂၃၃ နဲ့ ၊ mmCERT ၀၁-၆၅၀၈၉၁ သို့ ရုံးချိန်အတွင်းသော်လည်းကောင်း ရုံးချိန်အတွင်း ဆက်သွယ်ဆွေးနွေးနိုင်တယ်လို့ သိရပါတယ်။ အဲဒီပြိုင်ပွဲကို မြန်မာနိုင်ငံအတွင်းရှိ လူငယ်/လူရွယ်များ Cyber Security ပိုင်းဆိုင်ရာ အသိအမြင်နဲ့ ကျွမ်းကျင်မှုတွေ တိုးတက်လာစေဖို့၊ အတွေ့အကြုံရစေဖို့ ရည်ရွယ်တယ်လို့ သိရပါတယ်။

ပြိုင်ပွဲကနေ မိမိရဲ့ကျွမ်းကျင်မှု၊ တခြားသူတွေရဲ့ ကျွမ်းကျင်မှု အခြေအနေနဲ့ လုပ်ဆောင်နေမှုတွေကို သိရှိနိုင်မှာဖြစ်တယ်လို့ သိရပါတယ်။ Myanmar Cyber Security Challenge 2018 ဖြေဆိုမယ့် သူတွေအနေနဲ့ ဘာသာရပ်ခြောက်ခုကို လေ့လာရမယ်လို့ သိရပါတယ်။ မေးခွန်းတွေကို အရင်နှစ်တွေ ကျင်းပနေတဲ့အတိုင်း CTF Jeopardy style ပုံစံနဲ့ ပဟေဠိပုံစံ ပြုလုပ်ထားတာကို ရွေးချယ်ဖြေဆိုရမှာ ဖြစ်ပါတယ်။

ပထမဆု ၁၀ သိန်း၊ ဒုတိ ယဆု ၇ သိန်းနဲ့ တတိယဆု ၅ သိန်းကျပ် ရမှာဖြစ်ပါတယ်။ ဆုအားလုံးအတွက် Trophy နဲ့ Certificate တို့ ပေးအပ်မယ်လို့ သိရပါတယ်။

-ထွန်းထွန်း