ဆက်သွယ်ရေး ဝန်ဆောင်မှု လုပ်ငန်းလိုင်စင်ပေါင်း ၁၄၀ နီးပါးရှိလာ

ဆက်သွယ်ရေး ဝန်ဆောင်မှုလုပ်ငန်း လိုင်စင်ပေါင်း ၁၃၇ ခု ရှိလာတယ်လို့ သိရပါတယ်။

ပို့ဆောင်ရေးနှင့် ဆက်သွယ်ရေး ဝန်ကြီးဌာန၊ ဆက်သွယ်ရေးညွှန်ကြားမှု ဦးစီးဌာနကနေ ဆက်သွယ်ရေးဝန်ဆောင်မှု လုပ်ငန်းလိုင်စင် လာရောက်လျှောက်ထားသူတွေကို စိစစ်ဆောင်ရွက်ပေး နေတယ်လို့ ဆိုပါတယ်။ ဆက်လက်လျှောက်ထားလာတဲ့ ပြည်တွင်း၊ ပြည်ပကုမ္ပဏီတွေကို စိစစ်ပြီး လိုင်စင်တွေ ထုတ်ပေးနိုင်ဖို့ကိုလည်း ဆောင်ရွက်လျက်ရှိတယ်လို့ ထုတ်ပြန်ထားပါတယ်။ လက်ရှိချထားပေးပြီးတဲ့ လိုင်စင်တွေကတော့ Nationwide Telecommunication Licence ၄ ခု၊ Network Facilities Services Licence (Individual) ၅၁ ခု၊ Network Service Licence ၁၆ ခု၊ Network Facilities Services Licence (Class) ၄၃ ခု နဲ့ Application Service Licence ၂၃ ခုတို့ဖြစ်တယ် လို့သိရပါတယ်။ ချထားပေးပြီး လိုင်စင်တွေထဲမှာ ပြည်တွင်းကုမ္ပဏီက ၉၄ ခု၊ ပြည်ပကုမ္ပဏီက ၄၃ ခုပါဝင်တယ်လို့ သိရပါတယ်။

တယ်လီဖုန်းကိရိယာနဲ့ ဆက်စပ်ပစ္စည်းများ ရောင်းဝယ်ခွင့်လိုင်စင်နှင့် စမ်းသပ်ပြသခွင့် လိုင်စင်လျှောက်ထားသူတွေကိုလည်း စိစစ်ဆောင်ရွက်ပေးလျက် ရှိတယ်လို့ ဆိုပါတယ်။ လက်ရှိချထားပြီးတဲ့ လိုင်စင်ပေါင်း ၁၇၀ ရှိတယ်လို့ သိရပါတယ်။

-ထွန်းထွန်း