ဆက်သွယ်ရေးဆိုင်ရာ လိုင်စင်ရရှိသူသည် လိုင်စင်များအား ထပ်မံသက်တမ်း တိုးမြှင့်ပေးရန် လျှောကá

ဆက်သွယ်ရေးဆိုင်ရာ လိုင်စင်ရရှိသူသည် သက်တမ်းတိုးမြှင့် ပေးထားသည့် လိုင်စင်များအား ထပ်မံသက်တမ်း တိုးမြှင့်ပေးရန်လျှောက်ထား နိုင်ကြောင်းသိရသည်။

လိုင်စင် ထုတ်ပေးခြင်းဆိုင်ရာ ဥပဒေများကို အောက်တိုဘာလ ၁၄ ရက်နေ့က ထုတ်ပြန်ခဲ့ရာ အဆိုပါ အချက်ပါဝင်ခဲ့သည်။ လိုင်စင်သက်တမ်း တိုးမြှင့်ခြင်း ခေါင်းစဉ်တွင် ယင်းအချက်ကို ထည့်သွင်း ထားခြင်းဖြစ်သည်။ ဆက်သွယ်ရေး ဥပဒေပုဒ်မ ၈ နှင့် ၁၂ အရ လိုင်စင်ရရှိသူသည် လိုင်စင်သက်တမ်း တိုးမြှင့်ပေးရန် ဦးစီးဌာနသို့ လျှောက်ထားနိုင်ကြောင်း၊ သက်တမ်း တိုးမြှင့်ပေးရန် လျှောက်ထားရာတွင် လိုင်စင်သက်တမ်း မကုန်ဆုံးမီ ၂၄ လထက်မစော၊ ၁၂ လထက် နောက်မကျဘဲ လျှောက်ထားရမည် ဖြစ်ကြောင်း ဖော်ပြထားချက်အရ သိရသည်။

လိုင်စင်ရရှိသူ အနေဖြင့် ဆက်သွယ်ရေး ဥပဒေ၊ သက်ဆိုင်ရာ စည်းမျဉ်းစည်းကမ်း မူဘောင်နှင့် ဦးစီးဌာနမှ ချမှတ်သည့် ဆုံးဖြတ်ချက်များ၊ လိုင်စင်တွင် ပါရှိသော စည်းကမ်းချက်များနှင့် တာဝန်များတို့ကို အများအားဖြင့် လိုက်နာခဲ့ရမည် ဖြစ်သည်။

ဦးစီးဌာနသည် လိုင်စင်သက် တမ်းတိုးမြှင့်ပေးရန် လျှောက်ထားချက်ကို ဝန်ကြီးဌာန၏ ခွင့်ပြုချက် အရငြင်းပယ်ပါက လိုင်စင်ရရှိသူထံ စာဖြင့်အကြောင်းကြား ရမည်ဖြစ်ကြောင်း လိုင်စင်သက် တမ်းတိုးမြှင့်ရန် ငြင်းပယ်ခြင်း ခေါင်းစဉ်တွင် ဖော်ပြထားသည်။ ထိုသို့ အကြောင်းကြားရာတွင် သတ်မှတ်ထားသည့် အချက်များကို အခြေခံသည့် ငြင်းပယ်ရခြင်း အကြောင်းပြချက်ကို ဖော်ပြရမည်ဖြစ်ကြောင်း သိရသည်။

ဆက်သွယ်ရေး ဝန်ဆောင်မှု လုပ်ငန်းလိုင်စင် ရရှိသူများ၏ ယေဘုယျ အခွင့်အရေးနှင့် တာဝန်များ ခေါင်းစဉ်အောက်တွင် ဖော်ပြထားချက်အရ လိုင်စင်သက်တမ်းမှာ နည်းဥပဒေများအရ ထုတ်ပေးသော ဆက်သွယ်ရေး ဝန်ဆောင်မှု လုပ်ငန်းလိုင်စင် များအားလုံး၏ လိုင်စင်သက်တမ်းအား အနည်းဆုံး ငါးနှစ်မှ အများဆုံးအနှစ် ၂၀ အထိ သတ်မှတ်နိုင်ကြောင်း သိရသည်။

-ထွန်းထွန်း