ဆက်သွယ်ရေးကဏ္ဍနှင့် သက်ဆိုင်သော အကြောင်းအရာအတွက် အများပြည်သူ သဘောထားတောင်းခံ

ဆက်သွယ်ရေးကဏ္ဍနဲ့ သက်ဆိုင်တဲ့ အကြောင်းအရာအတွက် ဆက်သွယ်ရေး ညွှန်ကြားမှုဦးစီးဌာနက သဘောထားမှတ်ချက် တောင်းခံလိုက်ပါတယ်။

နိုင်ငံတော်ရဲ့ ဆက်သွယ်ရေးကဏ္ဍနဲ့ သက်ဆိုင်တဲ့စာရင်းအင်း ကိန်းဂဏန်းအချက်အလက်တွေ၊ အစီရင်ခံစာတွေကို တိကျမှန်ကန်စွာ အချိန်နဲ့တစ်ပြေးညီ တင်ပြနိုင်ရေးအတွက် အခုလိုတောင်းခံလိုက်တာ ဖြစ်ပါတယ်။ သတ်မှတ်စည်းကမ်း ဘောင်အတွင်းကနေ ပေးပို့စေလိုတဲ့ အချက်အလက်တွေ ပြင်ဆင်ထားရှိမှုနဲ့ လိုင်စင် Condition accounts and records မှာ ပြင်ဆင်လိုမှုအတွက် အများပြည်သူသဘောထား တောင်းခံတာဖြစ်ကြောင်း သတင်းထုတ်ပြန်ပါတယ်။

ဆက်သွယ်ရေးညွှန်ကြားမှုဦးစီးဌာန အနေနဲ့ စီမံကိန်းနဲ့ ဘဏ္ဍာရေးဝန်ကြီးဌာနသို့ သုံးလပတ် အစီရင်ခံစာပေးပို့တင်ပြရကြောင်း၊ မြန်မာနိုင်ငံရဲ့ Telecom/ ICT ဆိုင်ရာ အညွှန်းကိန်းတွေကို ကမ္ဘာ့နိုင်ငံတွေက အချိန်နဲ့တစ်ပြေးညီ မှန်ကန်စွာသိရှိ သုံးသပ်နိုင်ရေးအတွက် တောင်းခံလိုက်တာဖြစ်ကြောင်း သိရပါတယ်။

သုံးလပတ် အစီရင်ခံစာအနေနဲ့ ပေးပို့စေလိုတဲ့ အချက်အလက်တွေနဲ့ လိုင်စင်စည်းကမ်းချက် ပြင်ဆင်မှုတွေအတွက် အကြံပြုလိုရင် ၁၂.၁.၂၀၁၈ အထိ ဆက်သွယ်အကြံပြုနိုင်ကြောင်း၊ ညွှန်ကြားရေးမှူးချုပ် ၀၆၇-၃၄၀၇၆၀၉၊ [email protected] သို့လည်းကောင်း၊ ညွှန်ကြားရေးမှူး၊ လိုင်စင်နှင့် စစ်ဆေးရေးဌာန၊ ဆက်သွယ်ရေး ညွှန်ကြားမှုဦးစီးဌာန၊ ၀၆၇-၃၄၀၇၂၁၇၊ [email protected] သို့ လည်းကောင်း အကြံပြုနိုင်ကြောင်း သိရပါတယ်။ လိုင်စင်မှာ ပြင်ဆင်လိုတဲ့ပုံစံ၊ ပေးပို့စေလိုတဲ့ အချက်အလက် ပုံစံတွေကို ပို့ဆောင်ရေးနဲ့ ဆက်သွယ်ရေး ဝန်ကြီးဌာန ဝက်ဘ်ဆိုက်မှာ ဒေါင်းလုပ်ရယူနိုင်ပါတယ်။

နိုင်ငံတော်ရဲ့ လူမှုစီးပွားဖွံ့ဖြိုးရေး စီမံကိန်းကိုရေးဆွဲ အကောင်အထည်ဖော်ရာမှာ စာရင်းအင်း ကိန်းဂဏန်း အချက်အလက်တွေ မှန်ကန်မှုရှိစေဖို့၊ စီမံကိန်းရည်မှန်းချက်တွေအတိုင်း ထိရောက်စွာဆောင်ရွက်နိုင်မှု ရှိစေဖို့နဲ့ နိုင်ငံတော်ရဲ့ GDP အမှန်ကို ခန့်မှန်းတွက်ချက်နိုင်ဖို့အတွက် ဆက်သွယ်ရေးကဏ္ဍနဲ့ သက်ဆိုင်တဲ့ လုပ်ငန်းဆောင်ရွက်မှု အခြေအနေတွေကို ကိန်းဂဏန်း အချက်အလက်ပြည့်စုံတိကျ မှန်ကန်စွာနဲ့ စီမံကိန်းနှင့်ဘဏ္ဍာရေး ဝန်ကြီးဌာနသို့ သုံးလပတ်အစီရင်ခံစာ ပေးပို့တင်ပြရတယ်လို့ သိရပါတယ်။ အဲဒီလိုတင်ပြပြီးတဲ့နောက် ကမ္ဘာ့ကြေးနန်း ဆက်သွယ်ရေး အဖွဲ့ချုပ်ဖြစ်တဲ့ ITU သို့ ITU World Telecommunication/ICT Indicators Long Questions တွေကိုလည်း နှစ်စဉ်ဖြေကြားပေး ပို့ဆောင်ရွက်နေတယ်လို့ ဆိုပါတယ်။
အဲဒီလိုပေးပို့နိုင်ဖို့အတွက် လိုင်စင်ရယူထားတဲ့ ကုမ္ပဏီတွေကို အကြောင်းကြားစာ ပေးပို့တောင်းခံပေမယ့် လိုင်စင်ရရှိသူတွေကို ထုတ်ပေးထားတဲ့ စည်းကမ်းချက်တွေမှာ သုံးလပတ်အစီရင်ခံစာ ပေးပို့တင်ပြဖို့ မပါဝင်လို့ ပေးပို့စေလိုတဲ့ အချက်အလက်တွေကို အချိန်နဲ့တစ်ပြေးညီ ထောက်ပံ့မှုမရှိတာ၊ အကြောင်းပြချက် ခိုင်ခိုင်လုံလုံမရှိဘဲ ပေးပို့ဖို့ငြင်းပယ်တာတွေ တွေ့ရတယ်လို့ သိရပါတယ်။ ဒါကြောင့် ပြည်တွင်း ပြည်ပ လူပုဂ္ဂိုလ်၊ ကုမ္ပဏီအဖွဲ့အစည်းတွေအနေနဲ့ သက်ဆိုင်ရာဝန်ကြီးဌာနတွေနဲ့အတူ ပူးပေါင်းကူညီဆောင်ရွက်ဖို့ ဖိတ်ခေါ်တာဖြစ်ပါတယ်။

-ထွန်းထွန်း