စားသောက်ကုန် ပစ္စည်းများ သယ်ဆောင်နိုင်သော Vespa ၏စက်ရုပ်သစ်

အီတလီကုမ္ပဏီ Vespa သည် စတိုင်ကျလှပသော စကူတာများ ထုတ်လုပ်မှုကြောင့် လူသိများ ထင်ရှားသည်။ Vespa သည် အနာဂတ် ယာဉ်သွားလာမှုကို ပြောင်းလဲရန် Piaggio Fast Forward ဟုအမည်ရသော ဘော့စတွန် အခြေစိုက်ဌာန တစ်ခုကို ဖွင့်လှစ်ခဲ့သည်။ အဆိုပါဌာန၏ ပထမဆုံးဖန်တီးမှုမှာ Gita ဟုအမည်ရသည့် စက်ရုပ်ဖြစ်သည်။

Gita သည်စားသောက်ကုန် ပစ္စည်းများကို သယ်ဆောင်နိုင်ပြီး လမ်းသွားလမ်းလာ သို့မဟုတ် စက်ဘီးနင်းသူ၏ နောက်မှ လိုက်ပါနိုင်သည်။ ပိုင်ရှင်များအတွက် ငြီးငွေ့ဖွယ်ကောင်းသော အိမ်မှုကိစ္စများကို ပြုလုပ်ပေးနိုင်သော စိတ်ကူးဖြင့် Gita စက်ရုပ်ကို ထုတ်လုပ်ထားခြင်း ဖြစ်သည်။ စက်ရုပ်၏ အရှည်မှာ နှစ်ပေရှိပြီး ပစ္စည်းများကို ပေါင် ၄၀ အထိ သယ်ယူနိုင်သည်။ စက်ရုပ်၏ကုန်များ ထည့်သွင်းနိုင်သော အကန့်ကို အဖုံးအုပ်ထားသည်။ Gita မှာ တစ်နာရီလျှင် ၂၂ မိုင်အထိ အမြင့်ဆုံးမြန်နှုန်းဖြင့် သွားလာနိုင်သည်။

သုံးစွဲသူများအနေဖြင့် Gita ကို မည်သည့်အချိန်တွင် ဝယ်ယူနိုင်ကြောင်းကို ကုမ္ပဏီမှ ထုတ်ပြန်ခဲ့ခြင်း မရှိပေ။ သို့သော်လည်း ယခုနှစ်တွင် လုပ်ငန်းများစွာနှင့်အတူ စမ်းသပ်မှုများကို ပြုလုပ်မည် ဖြစ်ကြောင်း Piaggio Fast Forward မှထုတ်ပြန်ခဲ့သည်။

Vespa ၏စကူတာများမှာ ဒုတိယ ကမ္ဘာစစ်အပြီးတွင် လူကြိုက်များလာကြသည်။ Vespa ၏စကူတာဒီဇိုင်းသည် လူများစွာကိုလည်း ဆွဲဆောင်နိုင်ခဲ့သည်။ နယူးယောက်စီးတီးရှိ ခေတ်သစ် အနုပညာပြတိုက်တွင် ၁၉၅၅ ခုနှစ်ထုတ် Vespa စကူတာကို ပြသထားသည်။

သို့သော်လည်း Vespa သည် အတိတ်သမိုင်းတွင်သာ ရပ်တန့်မနေပေ။ သယ်ယူပို့ဆောင်ရေး ကုမ္ပဏီများသည် စက်ရုပ်၊ ဒရုန်းများနှင့် အလိုအလျောက် မောင်းနှင်နိုင်သော ယာဉ်များအတွင်း၌ ဒေါ်လာ ဘီလျံများစွာ ရင်းနှီးမြှုပ်နှံ လျက်ရှိသည်။ Vespa အနေဖြင့် ဆက်လက် တိုးတက်အောင် လုပ်ဆောင်ရန် လိုအပ်ပြီး သို့မဟုတ်ပါက ခေတ်နှင့် မျက်ခြည်ပြတ်သွားမည် ဖြစ်သည်။

Piaggio Fast Forward သည် ဘော့စတွန်မြို့ စက်ရုပ်နှင့် သက်ဆိုင်သော တီထွင်မှုများကို ပြုလုပ်သွားမည် ဖြစ်သည်။ ၎င်းမြို့တွင် MIT နှင့် Boston Dynamics, iRobot နှင့် Rethink Robotics ကဲ့သို့ ပြိုင်ဘက်များမှ ပညာရှင်များကို စည်းရုံးနိုင်မည် ဖြစ်သည်။

Ref: CNNMoney