စမတ်ဖုန်း တင်ပို့ ရောင်းချမှု ၂၆ ရာခိုင်နှုန်း မြင့်တက်လာကြောင်း Huawei ထုတ်ပြန်

huawei_ascend_p7.jpg

မိုဘိုင်း ဆက်သွယ်ရေး ကုမ္ပဏီ Huawei ၏စမတ်ဖုန်း တင်ပို့ရောင်းချမှုသည့် နောက်ဆုံး သုံးလပတ်တွင် မြင့်တက် လာခဲ့ကြောင်း သိရသည်။

Huawei ၏ ကမ္ဘာတစ်ဝန်း စမတ်ဖုန်း တင်ပို့ရောင်းချမှုသည် ပြီးခဲ့သည့်နှစ် တတိယ သုံးလပတ်ကထက် ၂၆ ရာခိုင်နှုန်း မြင့်တက်လာခဲ့ပြီး စမတ်ဖုန်း ၁၆.၈ သန်းတင်ပို့ ရောင်းချခဲ့ရကြောင်း ကုမ္ပဏီမှ အတည်ပြု ပြောကြားခဲ့သည်။ ထို့အပြင် အလယ်လတ် တန်းစားမှ စွမ်းဆောင်ရည်မြင့် စမတ်ဖုန်းများ ရောင်းချမှုသည် ၄ သန်းခန့် ရှိလာခဲ့ပြီး ၎င်းသည် ပြီးခဲ့သည့်နှစ် တတိယ သုံးလပတ်ထက် နှစ်ဆမြင့်တက် လာခဲ့ကြောင်း Huawei မှဆိုခဲ့သည်။

Huawei သည် စွမ်းဆောင်ရည်မြင့် စမတ်ဖုန်းများ ထုတ်လုပ်မှုအပေါ် ခြေလှမ်းကျဲကျဲဖြင့် အာရုံစိုက်လာပြီး မကြာသေးမီကလည်း ၆ လက်မ display, fingerprint sensor, octa-core processor နှင့် fingerprint scanner တို့ ပါဝင်သည့်အပြင် သတ္တု ကိုယ်ထည်ဖြင့် ပြုလုပ်ထားသည့် Ascend Mate 7 ကိုမိတ်ဆက် ပေးခဲ့သည်။ အဆိုပါ ဖုန်းသည် ရုပ်ရှင်ကြည့်ခြင်းနှင့် ဂိမ်းကစားခြင်း တို့အတွက် ရွေးချယ်စရာ တစ်ခုဖြစ်ကြောင်း CNET အယ်ဒီတာများက သတ်မှတ်ခဲ့ကြသည်။

ထို့အပြင် Huawei သည် စွမ်းဆောင်ရည်မြင့် ဟန်းဆက်တစ်ခု ဖြစ်သည့် Ascend P7 ကိုလည်း စက်တင်ဘာလက မိတ်ဆက်ပေးခဲ့သည်။ ၎င်းထုတ်ကုန်တွင် ၅ လက်မ sapphire screen ပါဝင်သောကြောင့် စင်းရာခြစ်ရာများကို ခံနိုင်ရည်ရှိသည်။

Huawei သည် စမတ်ဖုန်း တင်ပို့ရောင်းချမှု မြင့်တက်လာသော်လည်း အကြီးဆုံး စမတ်ဖုန်း ဈေးကွက်ဖြစ်သော အမေရိကန်သို့ ဝင်ရောက်နိုင်ခြင်း မရှိသေးပေ။ Huawei ၏ စမတ်ဖုန်း အဓိက တင်ပို့ရောင်းချသည့် ဈေးကွက်မှာ တရုတ်နိုင်ငံနှင့် အခြားသော ဈေးကွက်များ ဖြစ်သည်။

-နောင်နောင်
(Ref: CNET)