ချင်းပြည်နယ်ဒေသအချို့တွင် MPT 3G ကွန်ရက်တိုးချဲ့

ချင်းပြည်နယ်မှာရှိတဲ့ဒေသအချို့မှာ MPT ရဲ့ 3G ကွန်ရက်တိုးချဲ့လိုက်တယ်လို့သိရပါတယ်။

မင်းတပ်မြို့နယ် မကြိုင်ကျေးရွာ ပန်းစခန်း အနီးတစ်ဝိုက်၊ လေးရှီးကျေးရွာ၊ မခွီရွာ ဒေသတွေ အပါအ၀င် ပလက်ဝမြို့နယ်မှာရှိတဲ့ အလင်းဝကျေးရွာနဲ့ ငမြင်သောင်ကျေးရွာ အစရှိတဲ့ ကျေးရွာ တွေမှာတိုးချဲ့လိုက်တာလို့ဆိုပါတယ်။ အဲဒီဒေသတွေမှာ လက်ရှိအချိန်ကနေစလို့အသုံးပြုနိုင်ပြီလို့ ဆိုပါတယ်။ အခြားဒေသတွေမှာလည်းတိုးချဲ့နေတယ်လို့ဆိုပါတယ်။

“ဆက်သွယ်ရေး အော်ပရေတာတစ်ခုအနေနဲ့ ကျေးလက်မှာရှိတဲ့ ဒေသစုံက လူမှုအဖွဲ့အစည်း တွေ အတွက် အဆင့်မြင့် ဆက်သွယ်ရေးနည်းပညာတွေရဲ့အကျိုးကျေးဇူးတွေကိုရရှိခံစားနိုင်စေရေးကို ဆောင်ရွက်ပေးဖို့ကလည်းအရေးကြီးပါတယ်၊ ဒါကြောင့် မြန်မာနိုင်ငံရဲ့ အနောက်မြောက်ဘက် ဒေသမှာရှိတဲ့ အလွန်ဝေးလံခေါင်သီတဲ့ နေရာအချို့မှာတိုးချဲ့လိုက်တာဖြစ်ပါတယ်” လို့ MPT-KGSM Joint Operations ရဲ့ အမှုဆောင်အရာရှိချုပ် Mr. Toshitake Amamiya ကဆိုပါတယ်။

-ထွန်းထွန်း