Home » 

ဖုန်းနဲ့ရိုက်ကူးတဲ့ဓာတ်ပုံတွေကို အကောင်းဆုံး အထောက်အပံ့ပေးမယ့် HDR app များ ရွေးချယ်ခြင်း

By: 

စည်သူ

မိုဘိုင်းဖုန်းနဲ့ ရိုက်ကူးထားတဲ့ ဓာတ်ပုံတွေကိုပဲဖြစ်ဖြစ် HDR App ကိုသုံးစွဲပြီး ရိုက်ကူးခြင်းပဲဖြစ်ဖြစ် အကောင်းဆုံး HDR App ကို ရွေးချယ် နိုင်ဖို့က အထူးကို အရေးကြီးလှပါတယ်။ App ရဲ့စွမ်းဆောင်ရည် ကောင်းတာနဲ့ ဓာတ်ပုံရဲ့ အရည်အသွေးက တက်လာစေနိုင်မှာဖြစ်ပြီး ဓာတ်ပုံ တစ်ပုံကို ကြည့်ရှုသူ တစ်ယောက်အနေနဲ့လည်း အနုပညာအရသာတစ် ခုကို ရရှိနိုင်မှာပဲ ဖြစ်ပါတယ်။ Smart ဖုန်းတွေမှာ ကင်မရာနဲ့အတူ HDR စနစ်တွေ ပေါင်းစပ်ထည့်သွင်း ထားတာတွေ ရှိသလို အချို့ Smart ဖုန်းတွေမှာ HDR Function တွေ မပါတတ်ပါဘူး။ ဒါကြောင့် HDR စနစ်မပါတဲ့ ဖုန်းတွေအတွက် အသုံးပြုနိုင်တဲ့ HDR App တွေ မြောက်မြားစွာရှိတဲ့ အထဲကမှ အကောင်းဆုံး ဖြစ်နိုင်မယ့် app တွေ ရွေးချယ်သုံးနိုင်အောင် စုစည်းပေးလိုက်ပါတယ်။

Pro HDR X Apps

ဒီ App ဟာ HDR App တွေထဲမှာ Popular အဖြစ်ဆုံး App တစ်ခုပဲ ဖြစ်ပါတယ်။ iOS အတွက် ထုတ်လုပ်ထားတဲ့ App ဖြစ်ပြီး ဓာတ်ပုံရဲ့ ရုပ်ထွက် ပိုမိုပြတ်သားတောက်ပမှုကို အထူးပြုပြင် ထုတ်လုပ်ပေးနိုင်မှာ ဖြစ်ပါတယ်။

လုပ်ဆောင်ချက်

App ရဲ့ အလုပ်လုပ်ပုံက ရိုက်ကူးထားတဲ့ ဓာတ်ပုံရဲ့ exposure ကို မြှင့်တင်ပေးနိုင်သလို။ ဓာတ်ပုံကို Layer သုံးခုခွဲပေးပြီး ဒီ Layer တွေပေါ်မှာ ချိန်ညှိမှုတွေ ကိုပြုလုပ်ပေးနိုင်မှာဖြစ်ပြီး ဓာတ်ပုံရဲ့ အလင်းအမှောင် ရုပ်ထွက်ပြတ် သားမှုတွေကလည်း ယခင်ရိုက်ထားတဲ့ ဓာတ်ပုံနဲ့ လုံးဝကွာခြားသွားမှာ ဖြစ်ပါတယ်။ နောက်ထပ် ပြုလုပ်နိုင်ဖို့အတွက် Filter ပေါင်းမြောက်မြားစွာထည့်သွင်းပေးထားပါတယ်။

သုံးသပ်ချက်

ဒီ App က ဘယ်လောက်ပဲ အကောင်းဆုံး HDR စနစ်ကို ဖန်တီးနိုင်တယ်လို့ ဆိုပေမယ့် ကွန်ပျူတာတွေမှာသုံးတဲ့ Software တွေလောက် တော့ မစွမ်းနိုင်ပါဘူး။

HDR Camera

Android ဖုန်းတွေမှာ ထည့်သုံးနိုင်တဲ့ HDR App တွေထဲမှာတော့ HDR Camera App က အကောင်းဆုံး လို့ ဆိုနိုင်ပါတယ်။ ဓာတ်ပုံတွေကို အကောင်းဆုံး ရုပ်ထွက်တွေ ဖန်တီးနိုင်အောင် ကူညီလုပ်ဆောင်ပေးမှာ ဖြစ်သလို အသုံးပြုရတာလည်း လွယ်ကူစေပါတယ်။

လုပ်ဆောင်ချက်

HDR Camera App ဟာ ရိုက်ကူးထားတဲ့ ဓာတ်ပုံတွေကို အကောင်းဆုံး အလန်းဆုံးဖြစ်အောင် ကိုယ်လိုချင်တဲ့ ပုံစံတွေကိုရွေးချယ်လိုက်တာ နဲ့ App ကအလိုအလျောက် processing ပြုလုပ်ချိန်ညှိ လုပ်ဆောင်ပေးမှာ ဖြစ်ပါတယ်။ ဓာတ်ပုံတွေမှာ ရုပ်ထွက်ပြတ်သားမှုနဲ့ အသေးစိတ်ဖော် ပြနိုင်မှုတွေမှာ သိသာစွာကွာခြား သွားတာကို မြင်တွေ့ရမှာပါ။

သုံးသပ်ချက်

HDR App ဟာ ဓာတ်ပုံတွေကို Edit လုပ်တဲ့အခါမှာ လိုအပ်နေတဲ့ HDR လုပ်ဆောင်ချက်အတွက်သာ သင့်တော်ပါတယ်။

Vivid HDR

Vivid HDR Apps က iPhone နဲ့ iPad တွေမှာ ထည့်သွင်း အသုံးပြု တဲ့နေရာမှာ အကောင်းဆုံးသော HDR App ပဲဖြစ်ပါတယ်။ လွယ်ကူစွာ သုံးနိုင်ခြင်း၊ အရောင်ထုတ်ပေးနိုင်မှု ကောင်းမွန်ခြင်းနဲ့ Professional နီးပါးလောက်ကို ဖန်တီးသုံးစွဲနိုင်ခြင်းတို့ဟာ Vivid HDR ကိုသုံးစွဲရခြင်း အတွက် အားသာချက်တွေ ဖြစ်လာပါတယ်။

လုပ်ဆောင်ချက်

HDR App တွေထဲမှာ အမြန်ဆုံး လုပ်ဆောင်မှုတွေ လုပ်ပေးနိုင်တဲ့ App တစ်ခုဖြစ်ပြီး Exposure ကိုလည်း မတူညီတဲ့ အမြင်များစွာနဲ့ ရွေးချယ်နိုင်ပါမယ်။ ဓာတ်ပုံတွေကိုပြုပြင်ရာမှာလည်း လွယ်ကူတဲ့နည်းလမ်းတွေ ပါဝင်ပြီး နည်းပညာနဲ့ ယဉ်ပါးမှုမရှိရင် တောင်မှပဲ ကောင်းကောင်း သုံးစွဲနိုင်ပါတယ်။ HDR နဲ့ ပတ်သတ်တဲ့ Effect ပေါင်းမြောက်မြားစွာပါ ဝင်ပြီး ရွေးချယ်သုံးစွဲနိုင်ပါတယ်။

သုံးသပ်ချက်

ဒီ App မှာပါတဲ့ အချို့သော လုပ်ဆောင်ချက်တွေက High Contrast ဓာတ်ပုံတွေကို ဖြစ်ပေါ်စေတယ် ဆိုပေမယ့် အခြားသော HDR Apps တွေထက်တော့ ပိုကောင်းတာ တွေ့ရပါတယ်။

Simply HDR

Android ဖုန်းတွေနဲ့ကော iPhone တွေမှာပါ သုံးနိုင်အောင် ထုတ်ပေးထားတဲ့ HDR App တစ်ခုပဲဖြစ်ပါတယ်။ ဓာတ်ပုံတွေရဲ့ ရုပ်ထွက်တွေကို လုံးဝပြောင်းလဲသွားနိုင်အောင် ဖန်တီးပေးနိုင်မယ့် App တစ်ခုဖြစ်ပြီး ရွေးချယ်သုံးစွဲသင့်တဲ့ App တစ်ခုပဲ ဖြစ်ပါတယ်။

လုပ်ဆောင်ချက်

ရိုက်ကူးထားတဲ့ ဓာတ်ပုံတွေကို App ထဲကို ထည့်လိုက်တာနဲ့ ဓာတ်ပုံတွေရဲ့ Contrast တွေ အလင်းအမှောင်တွေကို အလိုအလျောက် ချိန်ညှိပေးပြီး HDR ဓာတ်ပုံတွေ ရရှိနိုင်မှာဖြစ်ပါတယ်။  လိုချင်တဲ့ ဓာတ်ပုံ ပုံစံတွေ ရရှိအောင်လည်း ချိန်ညှိသုံးစွဲနိုင်တဲ့ Effect တွေ များစွာပါဝင်ပါတယ်။

သုံးသပ်ချက်

အချို့သော ဓာတ်ပုံတွေကို ချိန်ညှိတဲ့ စနစ်တွေကြောင့် ထွက်ပေါ်လာတဲ့ ဓာတ်ပုံရုပ်ထွက်ဟာ အံ့သြစရာဖြစ်ရပါတယ်။ ဒါပေမဲ့ အချို့ Contrast တွေနဲ့ Tools တွေရဲ့ Design သိပ်မကောင်း တာတွေ့ရပါတယ်။

Camera HDR Studio

Camera HDR Studio ဟာ HDR ဓာတ်ပုံ ကောင်းကောင်းတွေကို ရရှိနိုင်ဖို့အတွက် HDR algorithm နည်းပညာကို သုံးစွဲပြီး HDR ဓာတ်ပုံ အစစ်အမှန်တွေကို ထုတ်ပေးမှာပဲ ဖြစ်ပါတယ်။ HDR camera App ဟာ သုံးစွဲရတာ လွယ်ကူပြီး အလိုအလျောက် ဓာတ်ပုံတွေကို ပြုပြင်ပေးမှာ ဖြစ်ပါတယ်။

လုပ်ဆောင်ချက်

App မှာ ပါဝင်တဲ့ လုပ်ဆောင်မှုတွေက HDR Mode ၉ ခုနဲ့ အထက်ပါဝင်ပြီး Effect ပေါင်း ၅၀ နဲ့ အနုပညာမြောက်တဲ့ Effect ပေါင်း 12 ခုလောက် ပါဝင်တာကို တွေ့ရပါတယ်။ တစ်စက္ကန့်မှာ ဓာတ်ပုံ ၃၀ လောက်ကို မြန်မြန်ရိုက်ကူးနိုင်တဲ့ Super fast speed နည်းပညာကိုလည်း ပေါင်းစပ်ထည့်ပေး ထားပါတယ်။

သုံးသပ်ချက်

ဒီ App ဟာ Photo Filter တွေမပါဝင်တဲ့ Stream Line App တစ်ခုဖြစ်ပြီး တစ်ခါတစ်ရံမှာ processing လုပ်နေရင်း app က crash ဖြစ်ပြီး ပိတ်သွားတတ်ပါတယ်။